سينيٽ جي اسٽينڊنگ ڪميٽي وفاقي سرڪاري ملازمن جي پگهارن ۾ 15 سيڪڙو واڌ ۽ پرڏيهين کي پاڻ سان گڏ شراب آڻڻ جي اجازت ڏيڻ جي تجويز ڏني آهي.
بجيٽ تي بحث لاءِ سينيٽ جو اجلاس چيئرمين سينيٽ سيد يوسف رضا گيلاني جي صدارت هيٺ ٿيو، سينيٽ جي ناڻي بابت اسٽينڊنگ ڪميٽي جي چيئرمين سينيٽ ۾ ڪميٽي فنانس بل 2026ع تي ايوان جون سفارشون پيش ڪيون، جنهن جي ايوان منظوري ڏئي ڇڏي.
سينيٽ ۾ پيش ڪيل بجيٽ سفارشن ۾ وفاقي سرڪاري ملازمن جي پگهارن ۾ 15 سيڪڙو واڌ جي تجويز ڏني وئي آهي.
سفارشن موجب وفاقي ملازمن ۽ پينشنرن جو منجمد ميڊيڪل الائونس بحال ڪيو وڃي، جڏهن ته پگهاردار ۽ گهٽ آمدني وارن ماڻهن جي ٽيڪس جي شرح ۾ گهٽتائي ڪئي وڃي.
اجلاس ۾ وڌيڪ چيو ويو ته کاڌي پيتي جي شين، دوائن، تعليمي مواد ۽ زرعي شين تي جي ايس ٽي گهٽ ڪئي وڃي ۽ بجلي جا اگهه گهٽائڻ لاءِ فنڊ مختص ڪيا وڃن.
سينيٽ جي سفارشن ۾ اهو به چيو ويو آهي ته غير ملڪي رهائشي يا گهمڻ وارن کي پنهنجي استعمال لاءِ شراب آڻڻ جي اجازت ڏني وڃي.
هن اها به سفارش ڪئي ته ڀاڻ، ٻج، جراثيم ڪش دوائن، ڊيزل ۽ زرعي مشينري تي ٽيڪس ۽ ڊيوٽيون گهٽائي صفر ڪيو وڃي، جڏهن ته سرڪاري اسپتالن، پرائمري هيلٿ، هائير ايجوڪيشن فنڊ ۽ اسڪالر شپ جي بجيٽ ۾ واڌ ڪئي وڃي.
سفارشن ۾ غير ترقياتي خرچن کي گهٽائڻ، ايس ايم ايز لاءِ ٽيڪس نظام کي آسان بڻائڻ، ضروري شين ۽ تنخواه رکندڙ طبقي تي تجويز ڪيل ٽيڪس قدمن تي نظرثاني ڪرڻ ۽ ٽيڪس جو بنياد وڌائڻ شامل آهن.
هن وڌيڪ چيو ته گهريلو ۽ گهٽ آمدني وارن صارفين جي بجلي جي بلن مان اضافي چارجز ۽ ٽيڪس واپس ورتا وڃن، جڏهن ته آئي ٽي ايڪسپورٽرز ۽ فري لانسرز لاءِ ٽيڪس ڇوٽ ۾ 10 سالن جي واڌ ڪئي وڃي.
سينيٽ جي سفارشن ۾ 3 هزار سي سي کان وڏين گاڏين، لگزري پراپرٽي ۽ غير پيداواري اثاثن تي ٽيڪس وڌائڻ، ضروري شين تي سڌي ريت ٽيڪس گهٽائڻ ۽ ترقياتي بجيٽ چونڊيل مقامي حڪومتن ڏانهن منتقل ڪرڻ لاءِ ميڪنزم ٺاهڻ جي تجويز ڏني وئي آهي.
اجلاس ۾ وڌيڪ چيو ويو ته نان فائلرز جي مهانگي پرچون، ريئل اسٽيٽ ۽ لگزري ٽرانزيڪشن لاءِ جامع ٽيڪسيشن ۽ دستاويزي قدم کنيا وڃن ۽ وفاقي ترقياتي بجيٽ جو هڪ مقرر سيڪڙو مقامي حڪومتن ڏانهن منتقل ڪيو وڃي.
سفارشن ۾ اهو به چيو ويو آهي ته پراپرٽي ٽيڪس صرف پهريون ڀيرو گهر خريد ڪندڙن تي گهٽايو وڃي، جڏهن ته ٻيو ڀيرو گهر خريد ڪندڙ ۽ پلاٽ رکندڙ سيڙپڪارن تي پراپرٽي ٽيڪس بحال ڪيو وڃي.
سفارشن جي منظوري کانپوءِ ڳالهائيندي سينيٽ ۾ مخالف ڌر جي اڳواڻ علامه راجا ناصر عباس چيو ته اسان هن بجيٽ کي رد ڪريون ٿا.
ڇنڇر: علامه راجا ناصر عباس (ليڊر آف اپوزيشن سينيٽ)
بجيٽ تي بحث ختم ڪندي ناڻي واري وفاقي وزير محمد اورنگزيب چيو ته قوم کي پنهنجي پيرن تي بيهارڻ لاءِ قدم کنيا پيا وڃن.
ڇنڇر: محمد اورنگزيب. (وفاقي ناڻي وارو وزير)
سينيٽ جي اجلاس دوران پاڪستان پيپلز پارٽي جي سينيٽر وقار مهدي ۽ ايم ڪيو ايم جي سينيٽر خالده عاطب ايران آمريڪا معاهدي تي فيلڊ مارشل کي خراج عقيدت پيش ڪيو.
