گڏيل عرب امارات رائٽرز جي ان دعويٰ کي رد ڪندي چيو آهي ته ايران جا منجمد فنڊ جاري نه ڪيا ويا آهن ۽ نه ئي ڪا رقم منتقل ڪئي وئي آهي. اختيارين موجب سوشل ۽ عالمي ميڊيا تي گردش ڪندڙ اهي خبرون سچ نه آهن. ان کان اڳ، رائٽر نيوز ايجنسي دعوي ڪئي هئي ته گڏيل عرب امارات ايران کي تقريبا 10 بلين ڊالر جاري ڪرڻ تي اتفاق ڪيو آهي، جن مان 3 بلين ڊالر کان وڌيڪ اڳ ۾ ئي منتقل ڪيا ويا آهن. رائٽرز جي رپورٽ ٻن علائقائي ذريعن جو حوالو ڏيندي چيو ته تقريبن 10 بلين ڊالر جي فنڊنگ تي اتفاق ڪيو ويو آهي، جڏهن ته ڪجهه ٻين ذريعن ٻڌايو ته رقم 20 بلين ڊالر تائين پهچي سگهي ٿي ۽ ان کي هڪ وسيع سفارتي معاهدي جو حصو قرار ڏنو. جڏهن ته گڏيل عرب امارات انهن سمورن دعوائن کي بي بنياد قرار ڏئي ڇڏيو آهي ۽ واضح ڪيو آهي ته ايران جي منجمد اثاثن جي حوالي سان ڪا به رقم جاري نه ڪئي وئي آهي ۽ نه ئي ڪا مالي منتقلي ڪئي وئي آهي.
Source link
Leave a Comment Leave a Comment
