انگلينڊ جي پهريون ڀيرو ورلڊ ٽيسٽ چيمپيئن شپ جي فائنل ۾ پهچڻ جي اميدن کي وڏو ڌڪ لڳو آهي.
تفصيل موجب انگلينڊ نيوزيلينڊ خلاف ٻي ٽيسٽ ۾ سلو اوور ريٽ سبب 12 قيمتي پوائنٽس وڃائي ويٺو.
اوول ۾ کيڏيل ميچ ۾ نيوزيلينڊ شاندار راند جو مظاهرو ڪندي انگلينڊ کي 253 رنسن تان شڪست ڏئي ٽن ٽيسٽ ميچن جي سيريز 1-1 جي برابر ڪري ڇڏي.
ميچ کان پوءِ انٽرنيشنل ڪرڪيٽ ڪائونسل (آءِ سي سي) فيصلو ڏنو ته انگلش ٽيم هدف کان 12 اوور گهٽ ٿي وئي، ان جي ورلڊ ٽيسٽ چيمپيئن شپ جا پوائنٽس ڪٽيا ويا ۽ رانديگرن تي ميچ فيس جو 50 سيڪڙو ڏنڊ لاڳو ڪيو ويو.
آءِ سي سي موجب وقتي ڪپتان جو روٽ خلاف ورزي جو اعتراف ڪيو ۽ تجويز ڪيل سزا قبول ڪئي، جنهن کانپوءِ باضابطا ٻڌڻي جي ضرورت نه رهي.
پوائنٽس کٽڻ کانپوءِ انگلينڊ جي پوائنٽس فيصد 34.72 مان گهٽجي 26.39 ٿي وئي آهي پر ٽيم اڃا ستين پوزيشن تي آهي.
ٻئي طرف آسٽريليا ۽ ڏکڻ آفريڪا هن وقت لارڊز ۾ ايندڙ سال فائنل لاءِ ريس ۾ ٽاپ ٻه ٽيمون آهن.
انگلينڊ جو مستقل ڪپتان بين اسٽوڪس ٽئين ۽ آخري ٽيسٽ لاءِ واپسي ڪندو.
اسٽوڪس ۽ فاسٽ بالر گس ايٽڪنسن کي لنڊن ۾ ڪرفيو جي ڀڃڪڙي ڪرڻ تي ٻئي ٽيسٽ مان ٻاهر ڪيو ويو.
