اينٽي وائلنٽ ڪرائم سيل (اي وي سي سي) اداڪار منيب بٽ جي اغوا ۽ ڦر ڪيس ۾ 7 صفحن تي ٻڌل عبوري چالان دهشتگردي جي انت واري عدالت ۾ جمع ڪرايو.
استغاثه موجب جوابدارن تي الزام آهي ته جوابدار 23 اپريل تي شهر فيصل مان مدعي محمد موتال کي اغوا ڪري 24 لک 94 هزار رپين جي ماليت جي ڪرپٽو ڪرنسي ۽ ٻيو سامان ڦر ڪيو هو. بعد ۾ جوابدار مدعي کي ڪورنگي انڊسٽريل ايريا ۾ ڇڏي فرار ٿي ويا.
عبوري چالان ۾ اداڪار منيب بٽ کي بيگناهه قرار ڏنو ويو آهي. مٿس الزام هو ته جوابدارن کي مري ۾ رهائش فراهم ڪئي وئي پر جاچ ۾ ان الزام جي تصديق نه ٿي سگهي آهي.
چالان ۾ پوليس اهلڪار غالب کي مفرور قرار ڏنو ويو آهي، جڏهن ته جوابدارن شاهد ستار، محمد سليم، عليم ۽ وزير محمد کي گرفتار ڪيو ويو آهي. ان کان علاوه منيب بٽ، محسن راجپر ۽ عبدالرحمان چانڊيو ڪيس ۾ ضمانت تي آهن.
