پاڪستاني اداڪاره ميرا هن وقت پنهنجي ايندڙ فلم ”سائيڪو“ جي پروموشن ۾ مصروف آهي، جيڪا عيد الاضحيٰ تي رليز ٿيندي.
هن فلم ۾ شان شاهد مرڪزي ڪردار ادا ڪري رهيو آهي جڏهن ته ميرا ٽائيٽل رول ۾ نظر ايندي.
هوءَ فلم جي پروموشن لاءِ مختلف انٽرويوز ۽ پوڊ ڪاسٽن ۾ حصو وٺي رهي آهي.
تازو ئي هن ارشاد ڀٽي جي پوڊ ڪاسٽ ۾ شرڪت ڪئي، جتي هن کان تڪراري ۽ ذاتي سوال پڇيا ويا.
انهن سوالن ۾ سندس گذريل ذاتي زندگيءَ جو ذڪر ۽ مختلف افواهون شامل هيون، جن جو جواب ڏيڻ ميرا کي مشڪل لڳو.
هن بار بار ڳالهه ٻولهه کي فلم ڏانهن موڙڻ جي ڪوشش ڪئي، پر ميزبان مسلسل حساس موضوعن تي ڳالهه ٻولهه ڪندو رهيو.
صورتحال تڏهن خراب ٿي وئي جڏهن ميزبان طنزيه انداز ۾ کيس ’سائيڪو‘ سڏيو ۽ ماضيءَ جا تڪرار به سامهون رکيا.
آخر ميرا انٽرويو ڇڏي خاموش رهي.
اداڪاره مشي خان به ان رويي تي تنقيد ڪندي چيو ته سينيئر صحافي کي اهڙن سوالن کان پاسو ڪرڻ گهرجي ها.
سوشل ميڊيا صارفين به ان انٽرويو کي تنقيد جو نشانو بڻايو.
