افغان انٽرنيشنل دعويٰ ڪئي آهي ته وسيلن تي قبضي لاءِ طالبان ۽ شهرين وچ ۾ ويڙهه جاري آهي.
ميڊيا رپورٽن موجب افغانستان جي صوبي بدخشان جي ضلعي ارگو ۾ وسيلن تي قبضي جي تڪرار تي طالبان ۽ مقامي رهواسين وچ ۾ جهڙپون جاري آهن.
افغان انٽرنيشنل موجب طالبان فورسز جي فائرنگ ۾ 2 شهري مارجي ويا. احتجاج جي شدت ۾ مسلسل اضافو سبب مارجي ويلن جو انگ وڌڻ جو خدشو آهي.
طالبان حڪومت بدخشان ۾ موبائل سروس معطل ڪري ڇڏي آهي.
ماهرن موجب شهرين جي موت ثابت ڪري ڇڏيو آهي ته افغان عوام قابض حڪومت ۾ محفوظ ناهي. جڏهن ته منشيات جو ڪاروبار وڌي رهيو آهي.
