پاڪستان ٽيليويزن جي مشهور ۽ ليجنڊ اداڪار شفيع محمد شاهه جي ڌيءَ ارسلانا محمد شاهه لاڏاڻو ڪري وئي.
ارسلانا محمد شاهه جي وفات جو اعلان سندس ڀيڻ سوشل ميڊيا تي هڪ جذباتي پيغام ذريعي ڪيو، جنهن ۾ چيو ويو ته هوءَ 7 فيبروري 2026ع تي اوچتو دل جو دورو پوڻ سبب وفات ڪري وئي.
ارسلانا محمد شاهه جو تعلق ميڊيا انڊسٽري سان هو ۽ مختلف ٽي وي چئنلن ۾ اسسٽنٽ ڊائريڪٽر ۽ ڊائريڪٽر طور خدمتون سرانجام ڏئي چڪو هو.
بهرحال سندس اصل سڃاڻپ سندس نرم دل، انسان دوست ۽ بي لوث شخصيت هئي.
فيملي موجب، هوءَ سيٽ تي ڪم ڪندڙ هر ڪنهن سان برابري ۽ محبت سان سلوڪ ڪندي هئي ۽ خاموشيءَ سان ضرورتمندن جي مدد ڪندي هئي.
خاندان جي بيان ۾ چيو ويو آهي ته ارسلانا پنهنجي سڄي زندگي بيشمار ماڻهن جون دليون کٽي ورتيون ۽ هميشه ٻين جي ڀلائي کي اوليت ڏني.
سندس لاڏاڻي سان خاندان هڪ مهربان ڀيڻ ۽ پياري شخصيت کان محروم ٿي ويو آهي.
سندس خاندان ۽ مداح سندس مغفرت ۽ جنت الفردوس ۾ اعليٰ مقام جي لاءِ دعاگو آهن.
