اداڪار وڪرانت ميسي بالي ووڊ جي مقبول ترين اداڪارا دپيڪا پڊوڪون سان گڏ ڪم ڪرڻ کان انڪار جو سبب ٻڌائي ڇڏيو.
ڀارتي اداڪار وڪرانت مسي انڪشاف ڪيو آهي ته هو 2020ع جي فلم ”ڇپاڪ“ ۾ ڪم ڪرڻ کان لنوائي رهيو هو ڇو ته هن محسوس ڪيو ته سپر اسٽار دپيڪا پڊوڪون سان سندس جوڙي اسڪرين تي سٺي نه هلندي.
ڀارتي ميڊيا کي ڏنل هڪ انٽرويو ۾ وڪرانت مسي چيو ته ان وقت مان خود اعتمادي جي کوٽ جو شڪار هوس ۽ مون محسوس ڪيو ته دپيڪا هڪ وڏي اسٽار آهي ۽ اسان به هڪ ئي قد جا آهيون، بس انهن ٻن سببن جي ڪري مون کي ائين محسوس ٿيو ته اسان ۾ بهتري ناهي رهي.
اداڪار موجب هن فلم ڇڏڻ جو به فيصلو ڪيو هو پر فلم جي ڊائريڪٽر ميگهنا گلزار سندس همٿ افزائي ڪئي ۽ يقين ڏياريو ته ٻنهي جي جوڙي اسڪرين تي شاندار نظر ايندي.
وڪرانت ميسي چيو ته ميگھنا گلزار سميت ڪيترن ئي ڊائريڪٽرن مٿس ڀروسو ڪيو، جنهن سندس اعتماد ۾ واڌارو ڪيو ۽ کيس مشڪل ڪردار ادا ڪرڻ لاءِ همٿايو.
فلم ”ڇپاڪ“ ۾ وڪرانت ميسي هڪ سماجي ورڪر امول جو ڪردار ادا ڪيو آهي جيڪو تيزاب جي حملي جو شڪار ڇوڪري جي مدد ڪري ٿو. دپيڪا پڊوڪون سان سندس اداڪاري ۽ ڪيمسٽري کي نقادن ۽ ناظرين ٻنهي طرفان ساراهيو ويو.
