آل پاڪستان پيٽرول پمپ اونرز ايسوسيئيشن جي نائب صدر انعام الحق چوڌري چيو آهي ته ايسوسيئيشن جي چيئرمين همايون خان سڄي ملڪ جي پيٽرول پمپ مالڪن کي اڄ وفاقي راڄڌاني پهچڻ جو سڏ ڏنو آهي.
هن چيو ته ان سڏ جو مقصد اڄ 4 وڳي پيٽروليم واري وفاقي وزير علي پرويز ملڪ سان ايسوسي ايشن جي اهم ملاقات آهي، اسان جا مطالبا بلڪل جائز آهن، پيٽروليم شين جي روزاني قيمتن ۾ واڌ ڪنهن به صورت ۾ قبول ناهي.
هن چيو ته پيٽرول ڊيلرز جي مارجن ۾ اضافو ناگزير آهي، اسان جو موجوده مارجن اسان جي معيشت کي ماري رهيو آهي، حڪومت کي پيٽروليم شين جي سپلائي سسٽم کي اسٽريم ڪرڻو پوندو، ان مارجن تي پيٽرول پمپ هلائڻ ناممڪن ٿي ويو آهي.
هن چيو ته جيڪڏهن اڄ جو اجلاس نتيجو نه نڪتو ته سڄي ملڪ ۾ پيٽرول پمپ بند ڪيا ويندا، پيٽروليم واري وزير سان ملاقات کانپوءِ اهم پريس ڪانفرنس ۾ مستقبل جي لائحه عمل جو اعلان ڪيو ويندو.
