ايران ڳالهين جا دروازا کليل رکڻ جو اشارو ڏيندي چيو آهي ته ڳالهيون انصاف، وقار ۽ ڏاهپ جي بنياد تي ئي ممڪن آهن. ايراني صدارتي آفيس جي ترجمان مهدي طباطبائي ملڪي قيادت ۾ اختلافن جي خبرن کي رد ڪندي چيو آهي ته ايران جي قيادت ۾ مثالي اتحاد موجود آهي. هن آمريڪي صدر ڊونلڊ ٽرمپ جو نالو وٺڻ کانسواءِ کيس تنقيد جو نشانو بڻائيندي چيو ته دشمن سياسي پروپيگنڊا ڪري رهيو آهي ۽ ڪوڙيون ڳالهيون ٺاهي رهيو آهي. هن چيو ته اهڙن عنصرن کي ڪوڙ ڳالهائڻ بدران پنهنجي واعدي خلاف ورزي، بدمعاشي ۽ ٺڳي بند ڪرڻ گهرجي. ترجمان واضح ڪيو ته ايران ڳالهين کان بيزار ناهي پر ڳالهيون تڏهن ئي ممڪن آهن جڏهن اهي انصاف، وقار ۽ ڏاهپ جي بنياد تي ڪيا وڃن.
Source link
Leave a Comment Leave a Comment
