ايران خلاف جنگ ختم نه ٿي، يورينيم ضبط ڪيو ويندو: نيتن ياهو

اسرائيلي وزيراعظم بينجمن نيتن ياهو چيو آهي ته ايران خلاف جنگ اڃا ختم ناهي ٿي ۽ ايران جو يورينيم ضبط ڪيو ويندو. پرڏيهي خابرو اداري جي رپورٽ موجب اسرائيلي وزيراعظم نيتن ياهو چيو آهي ته ايران خلاف آمريڪا ۽ اسرائيل جنگ جي خاتمي تي غور ڪرڻ کان اڳ ايران جي افزوده يورينيم جو ذخيرو ختم ڪيو ويندو. ايران خلاف جنگ بابت ڳالهائيندي هن چيو ته اڃا ختم نه ٿيو آهي ڇو ته هاڻ ايٽمي مواد موجود آهي، افزوده ڪيل يورينيم ايران کان واپس وٺڻو آهي، اڃا به يورينيم جون سهولتون موجود آهن جن کي ڊميشن ڪرڻو آهي. جڏهن يورينيم جي واپسي بابت پڇيو ويو ته هن چيو ته توهان اندر وڃو ۽ واپس وٺو ۽ دعويٰ ڪئي ته آمريڪي صدر ڊونلڊ ٽرمپ جو ساڳيو موقف آهي. اسرائيلي وزيراعظم چيو ته مان فوج جي ڳالهه نه پيو ڪريان پر صدر ٽرمپ مون کي چيو ته مان اتي وڃڻ چاهيان ٿو. ٻئي طرف آمريڪي صدر هڪ انٽرويو ۾ چيو ته ايران ۾ هدفن کي نشانو بڻائڻ ۾ ٻه هفتا لڳندا ۽ چيو ته ايران کي فوجي شڪست ڏني وئي آهي پر شايد کيس ذاتي طور خبر ناهي پر مان سمجهان ٿو ته هو ڄاڻي ٿو. ڊونلڊ ٽرمپ جو چوڻ هو ته آمريڪي فوج وڌيڪ ٻن هفتن تائين اندر وڃي سگهي ٿي ۽ هر هدف کي نشانو بڻائي سگهي ٿي، اسان جا مخصوص هدف هئا جن کي اسان تباهه ڪرڻ چاهيون ٿا ۽ اسان 70 سيڪڙو مڪمل ڪري چڪا آهيون پر اسان وٽ ٻيا هدف آهن جن کي اسان ممڪن طور تي نشانو بڻائي سگهون ٿا. “جيڪڏهن اسان اهو نه ڪندا آهيون، توهان کي خبر آهي ته اهو آخري قدم هوندو،” هن چيو.



Source link