ڪراچي:
ايف پي سي سي آءِ جي ٻن اڳوڻي صدرن ايف بي آر کي آئوٽ سورس ڪرڻ ۽ ٽيڪس سسٽم کي مصنوعي ذهانت تي منتقل ڪرڻ جو مطالبو ڪيو آهي.
وفاقي بجيٽ ۽ ان جا پاڪستان جي معيشت تي پوندڙ اثر جي موضوع تي بزنس مين پينل جي صدارت هيٺ سيشن کي خطاب ڪندي ايف پي سي سي آءِ جي اڳوڻي صدر ناصر حيات مگي چيو ته ايئرپورٽس کي آئوٽ سورس ڪرڻ بدران ايف بي آر کي آئوٽ سورس ڪرڻ گهرجي.
ايف بي آر جي 36 هزار اهلڪارن مان 15 هزار ماڻهو رڳو نوٽيس جاري ڪرڻ جا ذميوار آهن، پاڪستان ۾ ماڻهو نه آهن، نظام خراب آهي، حڪومت کي گهرجي ته ٽيڪس جو نظام درست ڪري ۽ مصنوعي ذهانت کي هٿي ڏئي.
حڪومت چوري جو نظام قائم ڪري ڇڏيو آهي، ناڻي وارو وزير پاڻ بينڪر آهي، اهي قرضن جي زور تي معاشي استحڪام جون دعوائون ڪن ٿا، بينظير انڪم سپورٽ پروگرام تحت 853 ارب رپيا جاري ڪري عوام کي بکيو بڻايو پيو وڃي.
هن چيو ته حڪومت 50 سيڪڙو عوام کي بيروزگار ڪري استحڪام حاصل ڪيو آهي، آءِ ايم ايف ٽن سالن ۾ غربت جي شرح 25 سيڪڙو مان گهٽائي 50 سيڪڙو ڪري ڇڏي آهي.
ايف پي سي سي آءِ جي اڳوڻي صدر ذڪريا عثمان چيو ته ايف بي آر واپاري برادري جي نمائندن جا خط ردي ۾ اڇلائي ڇڏيا آهن، ٽيڪسٽائيل انڊسٽري 60 سيڪڙو امپورٽ جي بنياد تي هلندي آهي، واپاري خسارو ان وقت تائين گهٽ نه ٿيندو جيستائين صنعت کي درآمد نه ڪيو ويندو.
صنعتن کي قرض ڏيڻ بدران ڪمرشل بئنڪ حڪومت کي محفوظ قرض فراهم ڪن ٿا ۽ حڪومت جي 50 سيڪڙو مالي مدد بئنڪن مان ٿئي ٿي، يعني بجيٽ جو 50 سيڪڙو سود جي ادائيگين تي خرچ ٿئي ٿو.
هن چيو ته جيستائين ملڪ ۾ مقامي سيڙپڪاري نه ٿيندي، پرڏيهي سيڙپڪاري نه ايندي، پيداواري شعبو اعليٰ ٽيڪس جي شرح سان نٿو هلي سگهي، حڪومت پاڻ آءِ ايم ايف کي ڇڏڻ نٿي چاهي، عالمي سطح تي پاڪستان جي سٺي پوزيشن کي ڪيش ڪيو وڃي، پڙهيل لکيل نوجوانن کي ٻاهر نه موڪليو وڃي.
بي ايم پي ٿنڪ جي سربراهه انجنيئر ايم اي جبار چيو ته وفاقي بجيٽ ۾ صنعت جي بهتري لاءِ ڪا به مثبت اڳڀرائي نه ٿي آهي، اسان جو مطالبو آهي ته صنعتي ترقي لاءِ ڊگهي مدي وارين پاليسين تي عمل ڪيو وڃي. ڪراچي چيمبر جي اڳوڻي صدر شارق وهره چيو ته اعليٰ ٽيڪس جي شرح ملڪي معيشت کي مفلوج ڪري ڇڏيو آهي، پاڪستان مان غربت جي خاتمي لاءِ هن ملڪ ۾ سيڙپڪاري ڪرڻي پوندي.
