پاڪستان ريڊ بال ڪرڪيٽ ٽيم جي هيڊ ڪوچ ۽ اڳوڻي ٽيسٽ ڪپتان سرفراز احمد چيو آهي ته بابر اعظم کي مشاورت ۽ رضامندي کانپوءِ قيادت ڏني وئي آهي.
ڪراچي پريس ڪلب ۾ ميڊيا سان ڳالهائيندي سرفراز احمد چيو ته هو ويسٽ انڊيز خلاف ٻن ٽيسٽ ميچن جي سيريز ۾ سٺي ڪارڪردگي ڏيکارڻ جي ڪوشش ڪندا.
هن چيو ته انگلينڊ خلاف ٽن ميچن جي ٽيسٽ سيريز ۾ به بهتر نتيجا اچڻ جا امڪان آهن، ٻئي سيريز آءِ سي سي ٽيسٽ ڪرڪيٽ چيمپيئن شپ جو حصو هجڻ جي ڪري تمام گهڻي اهميت رکن ٿيون.
ريڊ بال جي هيڊ ڪوچ چيو ته هو اسلام آباد ۾ جاري قومي ٽريننگ ڪيمپ ۾ پنهنجي صلاحيتن کي بهتر بڻائڻ لاءِ ڪم ڪندو، هو پنهنجين غلطين ۽ خامين کان پوري طرح واقف آهي ۽ انهن کي دور ڪرڻ لاءِ عملي قدم کنيا پيا وڃن.
سرفراز احمد اميد ظاهر ڪئي ته بابر اعظم جي قيادت ۾ پاڪستان ڪرڪيٽ ٽيم وڌيڪ اتحاد ۽ حوصلي سان سٺا نتيجا ڏيندي.
هن وڌيڪ چيو ته ماضي ۽ حال جي صحافت ۾ وڏو فرق آهي، اڳ صحافي ميدانن تي پهچي رانديگرن جي ڪارڪردگي جو جائزو وٺندا هئا، ڪارڪردگي تي ڳالهائڻ جي ڪوشش ڪئي وڃي، شخصيتن ۽ ڪردارن تي تنقيد ڪرڻ درست ناهي.
