پاڪستاني شوبز جي سينيئر اداڪارا بشرا انصاري جي 70 هين سالگرهه جون تصويرون سوشل ميڊيا تي وائرل ٿي ويون آهن.
رپورٽن مطابق 15 مئي تي بشرا انصاري پنهنجي رهائشگاهه تي هڪ خاص تقريب منعقد ڪئي جنهن ۾ شوبز انڊسٽري جي ويجهن ساٿين کي دعوت ڏني وئي هئي. تقريب ۾ روبينا اشرف، يمني زيدي، نعمان اعجاز، عمران اشرف، زاوير نعمان ۽ سيد جبران پنهنجي گهروارين سميت شرڪت ڪئي.
تقريب جي خاص ڳالهه اها هئي ته بشرا انصاري پنهنجي گهر ۾ آيل مهمانن لاءِ ماني جو بندوبست ڪيو. ان موقعي تي سندس مڙس اقبال حسين به پنهنجي دوستن جي اچڻ تي شڪريو ادا ڪيو ۽ ان خوشي کي وڌيڪ يادگار بڻايو.
اداڪارا سوشل ميڊيا تي پنهنجي سالگرهه جون تصويرون به شيئر ڪيون جنهن ۾ هن پنهنجي ويجهن دوستن سان گڏ گذاريل خوشين جا لمحا مداحن سان شيئر ڪيا. تصويرن جي ڪيپشن ۾ هن لکيو ته اها هڪ يادگار سالگرهه جي رات هئي جنهن پنهنجي پياري دوستن سان گذاري.
سندس سالگرهه تي شوبز جي شخصيتن سميت مداحن ۽ عام سوشل ميڊيا استعمال ڪندڙن به کيس واڌايون ڏنيون ۽ سندس صحت ۽ وڏي ڄمار لاءِ دعائون ڪيون.
واضح رهي ته بشرا انصاري پاڪستان ٽيليويزن ۽ فلم انڊسٽري جو هڪ وڏو نالو آهي، جنهن اداڪاري، ميزباني، ڳائڻ ۽ لکڻ جي ميدان ۾ شاندار خدمتون سرانجام ڏنيون آهن. سندس تازن ڊرامن کي پڻ ناظرین طرفان تمام گهڻو پسند ڪيو ويو آهي.
