ومبلڊن چيمپيئن جانڪ سنر ۽ 24 گرانڊ سلم ٽائيٽل کٽيندڙ نواڪ جوڪووچ ايندڙ مهيني مونٽريال ماسٽرز ٽينس ٽورنامينٽ تان دستبردار ٿي ويا آهن.
تفصيل موجب يو ايس اوپن کان اڳ اهم وارم اپ مقابلي سمجهي ويندڙ هي ايونٽ پهرين کان 13 آگسٽ تائين کيڏيو ويندو.
اطالوي اسٽار جينڪ سينر هڪ بيان ۾ چيو ته هن پنهنجي ٽيم سان صلاح مشوري کانپوءِ صحت کي ترجيح ڏيندي هي ڏکيو فيصلو ڪيو آهي.
هن چيو ته اهڙي وڏي ٽورنامينٽ مان ٻاهر ٿيڻ مايوسي آهي پر هو مستقبل ۾ ٻيهر مونٽريال ۾ کيڏڻ جو خواهشمند آهي.
24 سالن جي جونيئر هن مهيني ومبلڊن جي فائنل ۾ جرمني جي اليگزينڊر زويروف کي شڪست ڏئي ڪيريئر جو پنجون گرانڊ سلم ٽائيٽل کٽي ورتو.
ٻئي طرف 39 ورهين جو نواڪ جوڪووچ به ومبلڊن جي سيمي فائنل ۾ پهچي ويو، جتي کيس سنر هٿان شڪست ملي.
سنير ۽ ڪارلوس الڪراز جي غير موجودگي کانپوءِ زويروف ٽورنامينٽ جو ٽاپ سيڊ هوندو.
