پشاور:
خيبرپختونخواهه حڪومت 3 مهينن جي عبوري بجيٽ صوبائي اسيمبلي ۾ پيش ڪرڻ جي تياري شروع ڪري ڇڏي آهي.
ڪي پي ڪي جي وڏي وزير سهيل آفريدي چيو آهي ته هن باني چيئرمين سان مشاورت کانپوءِ بجيٽ پيش ڪرڻ جو فيصلو ڪيو آهي. هن وڌيڪ چيو ته اسان بجيٽ تي عمران خان سان صلاح مشورا چاهيون ٿا، جيڪڏهن چاهيون ته هڪ ڏينهن ۾ بجيٽ پيش ڪري سگهون ٿا پر بجيٽ تي صلاح مشورا ڪري رهيا آهيون.
پي ٽي آءِ جي پارلياماني پارٽي جي اجلاس ۾ بجيٽ جي متبادل آئيني معاملن تي غور ڪيو ويو. اجلاس ۾ آرٽيڪل 122، 123 ۽ 125 تحت اسيمبلي ۾ ووٽ آن اڪائونٽ جمع ڪرائڻ جي تجويز تي غور ڪيو ويو. ان سان گڏ پارلياماني پارٽي ۾ غور هيٺ آيل تجويزن تي قانوني مشاورت جو به فيصلو ڪيو ويو آهي.
وڏي وزير سهيل آفريدي چيو ته اسان جو هڪ ميمبر به ڀرسان نه هوندو.
ياد رهي ته خيبرپختونخواهه حڪومت جي بجيٽ 15 جون کانپوءِ پيش ٿيڻ جو امڪان آهي ۽ ان حوالي سان حڪومتي حلقن ۾ صلاح مشورا جاري آهن.
