راولپنڊي:
پٽ کي بچائڻ لاءِ پيءُ درياهه ۾ ٽپو ڏنو، پر بدقسمتي سان ٻئي ٻڏي ويا، جنهن بعد پيءُ جو لاش هٿ ڪيو ويو، جڏهن ته پٽ اڃا تائين گم آهي.
ريسڪيو 1122 جي ترجمان موجب راولپنڊي جي گلستان ڪالوني ڀرسان ناله لئي ۾ 6 ورهين جو محمد زاهد ٻڏي فوت ٿي ويو. سندس 36 سالن جو پيءُ ميربن خان کيس بچائڻ لاءِ اندر ٽپو ڏنو.
شروعاتي طور تي ريسڪيو ترجمان جو چوڻ هو ته ٻئي پيءُ پٽ پاڻي ۾ ٻڏي ويا ۽ ٽيمون امدادي ڪمن ۾ مصروف آهن. فوري طبي امداد لاءِ ايمبولينسز کي پڻ موقعي تي طلب ڪيو ويو آهي.
اختيارين موجب امدادي ٽيمون پيءُ ۽ پٽ جي ڳولا جاري رکي پر ان دوران پيءُ جو لاش درياهه مان مليو ۽ ٻڏي پٽ اڃا تائين گم آهي، جنهن جي ڳولا جاري آهي.
