مودي حڪومت جي ماتحت ڀارتي ڏوهن جا نيٽ ورڪ ڪئناڊا سميت مختلف ملڪن جي خودمختياري ۽ اندروني سلامتي لاءِ سنگين خطرو بڻجي ويا آهن.
ميڊيا رپورٽن موجب ڪينيڊا ۾ ڀارتي ڏوهاري عنصر سرگرم آهن، ڀارتي ميڊيا پنهنجي ملڪ جي عالمي بدنامي کي بي نقاب ڪري ڇڏيو آهي. هندستاني جرنل ٽائمز آف انڊيا جي مطابق؛
ڪينيڊا ۾ ”فور برادرز“ نالي بين الاقوامي گينگ خلاف وڏو آپريشن ڪيو ويو، جنهن ۾ ڀارتي نژاد 17 جوابدارن کي گرفتار ڪري ڪيس داخل ڪيا ويا.
فور برادرز گينگ ڏکڻ ايشيا جي واپارين ۽ ڪميونٽي جي ميمبرن کي ڪينيڊا ۽ آمريڪا ۾ نشانو بڻائيندو هو، اهو گروهه برمپٽن، ميسيساگا، ڪيليڊن ۽ برٽش ڪولمبيا ۾ سرگرم هو، جن جو تعلق ڪيليفورنيا سان آهي.
هي گروهه 324 فائرنگ ۽ 16 پرتشدد حملن ۾ ملوث رهيو آهي. گرفتار ٿيل سڀئي هندستاني آهن، 6 جوابدارن کي اميگريشن جي ڪارروائي ۽ ممڪنه جلاوطني جو سامنا آهي.
ماهرن موجب فور برادرز ڀارتي دهشتگرد نيٽ ورڪ ڪينيڊا ۾ هرديپ سنگهه نجار ۽ آمريڪا ۾ گرپتونت سنگهه پنو جي قتل جي منصوبن ۾ ملوث ڀارتي ڏوهاري گروهه جو تسلسل آهي.
