زمبابوي خلاف ون ڊي سيريز لاءِ پاڪستان وومين اسڪواڊ جو اعلان ڪري ڇڏيو، فاطمه ثنا ڪپتان مقرر

پاڪستان ڪرڪيٽ بورڊ زمبابوي خلاف ٽن ون ڊي ميچن تي ٻڌل سيريز لاءِ 15 رڪني قومي وومين اسڪواڊ جو اعلان ڪري ڇڏيو آهي، جنهن جي قيادت فاطمه ثنا ڪندي. اعلان موجب سيريز 4 کان 9 مئي تائين نيشنل بئنڪ اسٽيڊيم ڪراچي ۾ کيڏي ويندي. ٽي ون ڊي ميچون 4، 6 ۽ 9 مئي تي کيڏيون وينديون، جڏهن ته اها سيريز پڻ آئي سي سي وومينز چيمپيئن شپ 2025-29 جو حصو آهي، ان جي اهميت ۾ اضافو ٿيندو. فاطمه ثناءَ سيريز جي ٽنهي ميچن ۾ قومي ٽيم جي قيادت ڪندي، جڏهن ته اسڪواڊ ۾ نوجوان ۽ تجربيڪار رانديگرن تي مشتمل آهي. مومنه رياست کي پهريون ڀيرو قومي ٽيم جي 15 رڪني اسڪواڊ ۾ شامل ڪيو ويو آهي، جيڪو سندس ڪيريئر جو اهم سنگ ميل آهي. زمبابوي جي وومين ٽيم پاڪستان جي پهرين دوري لاءِ 29 اپريل تي ڪراچي پهچندي، جتي ٻنهي ٽيمن وچ ۾ دلچسپ ميچون ڏسڻ جو امڪان آهي. پاڪستان وومين اسڪواڊ: فاطمه ثناءَ (ڪپتان)، عاليه رياض، عائشه ظفر، ڊيانا بيگ، گل فيروز، مومنه رشتا، منيبا علي (وڪيٽ ڪيپر)، ناجيه علوي (وڪيٽ ڪيپر)، ناصره سنڌو، نتاليا پرويز، رامين شميم، صدف شمس، سيده رباب ۽ سيده رابعه. ماهرن موجب هوم گرائونڊ ۽ سازگار حالتن جي ڪري پاڪستاني ٽيم کي سيريز ۾ برتري حاصل ٿي سگهي ٿي، جڏهن ته نون رانديگرن جي شموليت سان ٽيم جو ڪمبينيشن مضبوط ٿي سگهي ٿو.



Source link