سنيتا آهوجا مامري جي افواهن جي باوجود گووندا جي پاسي نه ڇڏيندي

بالي ووڊ اداڪار گووندا جي زال سنيتا آهوجا پنهنجي مڙس سان لاڳاپن جي افواهن تي رد عمل ڏيندي چيو آهي ته کيس سندن رشتي تي پورو يقين آهي ۽ ڪڏهن به گووندا جو ساٿ نه ڇڏيندي. فري پريس جرنل کي ڏنل انٽرويو ۾ سنيتا آهوجا جو چوڻ هو ته فلم انڊسٽري ۾ ڪم ڪندڙ اداڪارن بابت اهڙيون ڳالهيون عام آهن پر مضبوط رشتو اعتماد ۽ محبت تي قائم هوندو آهي. هن چيو ته مان هميشه چوندي آهيان ته اداڪار جي زال ٿيڻ لاءِ دل کي مضبوط ڪرڻو پوندو. مون کي 15 سالن جي عمر ۾ گووندا سان پيار ٿي ويو، اڄ 56 آهيان ۽ اڃا به هن سان ايترو ئي پيار ڪريان ٿو. سنيتا وڌيڪ چيو ته هن پنهنجي زندگي ۾ ڪيترائي ڀيرا گووندا کي معاف ڪيو، ڇاڪاڻ ته هن لاءِ سچي محبت ۾ معافي به شامل آهي. واضح رهي ته گووندا ۽ سنيتا آهوجا جي الڳ ٿيڻ جون افواهون گذريل ڪجهه مهينن کان گردش ڪري رهيون هيون پر ٻنهي ڪڏهن به ان خبر جي تصديق نه ڪئي هئي. گووندا ۽ سنيتا 1987ع ۾ شادي ڪئي ۽ کيس ٻه ٻار آهن، ٽينا آهوجا ۽ يش ورڌن.



Source link