ڪراچي:
عالمي ۽ مقامي مارڪيٽن ۾ قيمتن ۾ مسلسل گهٽتائي سبب سون سستو ٿي ويو.
عالمي بلين مارڪيٽ ۾ اڄ ڪاروباري هفتي جي پهرين ڏينهن سون جي في اونس قيمت 30 ڊالر 94 سينٽ جي گهٽتائي سان 4 هزار 297 ڊالر ٿي وئي.
عالمي مارڪيٽ جي اثر هيٺ مقامي مارڪيٽن ۾ به سومر تي 24 قيراط سون جي قيمت ۾ 3094 رپيا في تولا جي گهٽتائي رڪارڊ ڪئي وئي، جنهن کانپوءِ نئين قيمت 4 لک 52 هزار 233 رپين جي سطح تي اچي وئي.
اهڙي طرح مقامي سطح تي سون جي في 10 گرام جي قيمت 2785 رپيا گهٽتائي سان 3 لک 86 هزار 987 رپيا ٿي وئي.
سون جي اگهن سان گڏوگڏ ملڪ ۾ چاندي جو في تولو اگهه به 94 رپين جي گهٽتائي سان 7 هزار 173 رپيا ۽ چاندي جو في 10 گرام اگهه 86 رپين جي گهٽتائي سان 6 هزار 116 رپيا ٿي ويو آهي.
واضح رهي ته گذريل ڪاروباري هفتي جي آخري ڏينهن (ڇنڇر) عالمي مارڪيٽ ۾ سون جي قيمت ۾ 124 ڊالر في اونس جي گهٽتائي ٿي هئي، جڏهن ته مقامي سطح تي سون جو اگهه 12489 رپيا في تولو ۽ 10 گرام 11240 رپيا سستو ٿي ويو هو.
