عامر خان جي اڌ ڀاءُ حيدر علي خان جي اڳوڻي زال دعويٰ ڪئي آهي ته سندس حالت خراب آهي ۽ سندس ڪو به مستقل گهر ناهي.
سدھارٿ ڪنن سان هڪ تازي انٽرويو ۾، اداڪار ايوا گروور پنهنجي اڳوڻي مڙس ۽ عامر خان جي اڌ ڀاء بابت ڪيترائي خطرناڪ دعوي ڪيا آهن.
هن دعويٰ ڪئي ته حيدر علي خان جي حالت تمام خراب آهي ۽ هن وٽ نه ڪا مستقل رهائش آهي ۽ نه ئي سندس سنڀال ڪرڻ وارو، ڪجهه دوست هن کي پنهنجي چال ۾ جاءِ ڏين ۽ ٿوري مدد ڪن.
اداڪارا وڌيڪ دعويٰ ڪئي ته حيدر علي خان شيزوفرينيا ۾ مبتلا آهي پر سندس ڀرسان ڪجهه ماڻهو کيس شراب فراهم ڪندا رهندا آهن.
عامر خان سان لاڳاپن جي دعويٰ:
ايوا گروور انٽرويو ۾ اها به دعويٰ ڪئي ته عامر خان حيدر علي خان ۽ سندس خاندان سان سمورا لاڳاپا ختم ڪري ڇڏيا آهن. عامر خان جي والد طاهر حسين جي آخري ڏينهن ۾ سندس اڳوڻي ساس کي به ساڻس ملڻ نه ڏنو ويو.
واضح رهي ته ايوا گروور جا اهي سمورا بيان سندس ذاتي دعوائن تي ٻڌل آهن، جنهن تي عامر خان يا حيدر علي خان طرفان اڃا تائين ڪو به ردعمل سامهون نه آيو آهي.
