ڀارتي فلم انڊسٽري جي مشهور اداڪار ۽ ميزبان شيڪر سمن بالي ووڊ سپر اسٽار عامر خان جي ٽئين شادي تي مزاحيه تبصرو ڪيو آهي، جنهن جي وڊيو سوشل ميڊيا تي تيزي سان وائرل ٿي رهي آهي ۽ صارفين جي ڌيان ڇڪائي رهي آهي. پهرين زال رينا دتا ۽ ٻي زال ڪرن رائو کان ڌار ٿيڻ کانپوءِ عامر خان 5 جولاءِ تي هڪ خانگي تقريب ۾ پنهنجي ڊگهي پارٽنر گوري سپراٽ سان شادي ڪئي، اهڙي خبر سامهون اچڻ کانپوءِ سوشل ميڊيا تي مختلف ردعمل ڏسڻ ۾ آيا، جتي ڪجهه صارفين کيس مبارڪباد ڏني جڏهن ته ڪيترن ئي ماڻهن ان فيصلي تي تنقيدي تبصرا پڻ ڪيا. پنهنجي يوٽيوب چيٽ شو دوران شيکر سمن مزاحيه انداز اختيار ڪيو ۽ چيو ته عامر خان نئين نسل کي اهم سبق ڏنو آهي ته جيستائين گهربل منزل حاصل نه ٿي وڃي تيستائين هار نه ڇڏڻ گهرجي. پروگرام دوران سندس جملي تي به کلڻ لڳا. پنهنجي ڳالهه ٻولهه جاري رکندي هن چيو ته سياستدانن کي به عامر خان کان گهڻو ڪجهه سکڻ گهرجي. سندس چوڻ هو ته عام تاثر اهو آهي ته سياستدان اتحاد ٺاهڻ ۾ ماهر هوندا آهن پر جيڪڏهن اتحاد قائم رکڻ جو هنر سکڻو آهي ته عامر خان جو مثال ڏئي سگهجي ٿو. شيکر سمن وڌيڪ طنزيه انداز ۾ چيو ته هڪ طرف موجوده حڪومت کي ڊبل انجڻ وارو نظام هلائڻ ۾ ڏکيائيون پيش اچي رهيون آهن ته ٻئي طرف عامر خان ”ٽريپل انجڻ“ ڪاميابي سان هلائي رهيو آهي، جنهن تي حاضرين مسڪرائي ڇڏيا. ٻئي طرف ڀارتي ميڊيا رپورٽن موجب عامر خان مستقبل ۾ گڏيل خانداني گهر ٺاهڻ جو ارادو رکي رهيو آهي جتي سندس اڳوڻي زال ڪرن رائو ۽ سندن پٽ آزاد به رهي سگهن ته جيئن گهرڀاتين جا لاڳاپا خوشگوار ٿي سگهن.
Source link
Leave a Comment Leave a Comment
