سول ڪورٽ اڳوڻي وزيراعظم بينظير ڀٽو جي ساٿي ۽ پوليٽيڪل سيڪريٽري ناهيد خان جو فارم هائوس سيل ڪرڻ جو حڪم جاري ڪري ڇڏيو آهي. سي ڊي اي ذريعن موجب ناهيد خانوالا فارم هائوس 1985ع ۾ ثريا اختر نالي عورت کي نرسري پلاٽ ليز تي ڏنو هو پر 1987ع ۾ هن نرسري جي ليز تي ڏنل پلاٽ کي باغ ۾ تبديل ڪيو ويو. ذريعن جو چوڻ آهي ته هي پلاٽ ثريا اختر کي ليز تي ڏنو ويو هو، جيڪو ناقابل منتقلي هو ۽ سي ڊي اي پندرهن سال اڳ اهو پلاٽ منسوخ ڪيو هو، پر ناهيد خان جي نوٽيس باوجود هنن ڪو به ڌيان نه ڏنو. ذريعن موجب جڏهن سي ڊي اي فارم هائوس سيل ڪيو ته ناهيد خان کي ضلعي عدالت حڪم نامو جاري ڪيو هو. ناهيد خان جي ماءُ هي پلاٽ ثريا اختر کان 1995ع ۾ ليز تي ورتو هو، جڏهن ته ناهيد خان سي ڊي اي کي ٻڌايو ته هي فارم هائوس سندس ورثي ۾ آهي.
Source link
Leave a Comment Leave a Comment
