ٽيڪنالاجي ڪمپني ميٽا جو اڳوڻو ملازم فيس بڪ تان پرائيويٽ تصويرون ڊائون لوڊ ڪرڻ جي الزام ۾ جاچ کي منهن ڏئي رهيو آهي.
لنڊن سان تعلق رکندڙ انجنيئر تي الزام آهي ته هن هڪ پروگرام ڊزائين ڪيو جنهن ۾ هن پليٽ فارم جي سيڪيورٽي چيڪن کي نظرانداز ڪندي ماڻهن جي نجي تصويرن تائين رسائي حاصل ڪرڻ جي اجازت ڏني.
ميٽروپوليٽن سائبر ڪرائم يونٽ جي هڪ ماهر جاسوس فيس بڪ استعمال ڪندڙن جي رازداري جي مبينا ڀڃڪڙي جي جاچ شروع ڪري ڇڏي آهي.
ميٽا تصديق ڪئي آهي ته خلاف ورزي هڪ سال اڳ سامهون آئي هئي، جنهن کانپوءِ ڪمپني معاملي کي برطانيه جي پوليس حوالي ڪيو.
فيس بڪ استعمال ڪندڙن کي اطلاع ڏنو ويو آهي ته ملزم کي برطرف ڪيو ويو آهي ۽ پليٽ فارم جي سيڪيورٽي سسٽم کي اپ گريڊ ڪيو ويو آهي، ٽيڪنالاجي ڪمپني شامل ڪيو.
