فيفا ورلڊ ڪپ: آمريڪا آسٽريليا کي شڪست ڏئي تاريخ رقم ڪري ڇڏي

فيفا فٽبال ورلڊ ڪپ 2026 جي گروپ ڊي جي اهم ميچ ۾ آمريڪا نه رڳو آسٽريليا کي 0-2 تان شڪست ڏئي ايندڙ اسٽيج لاءِ ڪواليفائي ڪري ورتو پر ايونٽ جي 96 سالن جي تاريخ ۾ نئون رڪارڊ به قائم ڪري ڇڏيو. سيٽل ۾ کيڏيل مقابلي ۾ آمريڪي ٽيم شروع کان ئي راند تي مضبوط گرفت برقرار رکي ۽ بال تي 63 سيڪڙو قبضو برقرار رکيو. آمريڪي رانديگرن آسٽريلوي گول تي حملا جاري رکيا، جنهن جي نتيجي ۾ کين 11هين منٽ ۾ برتري حاصل ٿي وئي. آسٽريليا جي محافظ ڪيمرون برگس بدقسمتي سان بال کي پنهنجي جال ۾ وجهي ڇڏيو، آمريڪا کي 0-1 جي برتري ڏني. 🇺🇸 USA رائونڊ آف 32 لاءِ ڪواليفائي ڪري ورتو آهي! #FIFAWorldCup — FIFA World Cup (@FIFAWorldCup) جون 19، 2026 پهرين هاف جي آخري لمحن ۾، ايلڪس فريمين آمريڪي ٽيم جي برتري کي ٻيڻو ڪري ڇڏيو ۽ اسڪور 0-2 ٿي ويو. ٻئي هاف ۾ ٻنهي ٽيمن جارحاڻي انداز ۾ راند کيڏي ۽ ڪيترائي موقعا پيدا ڪيا پر ڪا به ٽيم وڌيڪ گول ڪرڻ ۾ ڪامياب نه ٿي سگهي. اهڙي ريت آمريڪا ميچ 0-2 تان کٽي ورتي. ان فتح سان آمريڪي ٽيم فيفا ورلڊ ڪپ جي 96 سالن جي تاريخ ۾ پهريون ڀيرو لڳاتار ٻه ميچون کٽڻ جو اعزاز حاصل ڪري ورتو. گروپ ڊي ۾ آمريڪا مجموعي طور تي 6 پوائنٽس سان ٽاپ ڪري ايندڙ اسٽيج لاءِ ڪواليفائي ڪري ورتو، جڏهن ته آسٽريليا کي پنهنجي ايندڙ ميچ ۾ ڪاميابي لاءِ سخت جدوجهد ڪرڻي پوندي.



Source link