ڪراچي:
مصطفيٰ عامر قتل ڪيس جي مرڪزي جوابدار ارمغان پنهنجي ماءُ ۽ وڪيل تي رقم هڙپ ڪرڻ جو الزام هنيو آهي.
سينٽرل جيل ۾ دهشتگردي ٽوڙ عدالت جي خاص عدالت ۾ مصطفيٰ عامر قتل ڪيس جي مرڪزي جوابدار ارمغان خلاف صحافي تي حملي واري ڪيس جي ٻڌڻي ٿي.
ٻڌڻي دوران جوابدار ارمغان عدالت ۾ پنهنجي ماءُ ۽ وڪيل تي ڀڃ ڊاهه ڪئي. جوابدار ارمغان عدالت جي ڪمري ۾ شور مچايو. جوابدار چيو ته ماءُ ۽ وڪيل مون کي چريو قرار ڏيڻ چاهين ٿا. هي ماڻهو منهنجي پئسي جي پٺيان آهن. مان ٺيڪ آهيان ۽ مون کي ڪنهن وڪيل جي ضرورت ناهي. مان پنهنجي ڪيس جي پيروي ڪرڻ چاهيان ٿو.
جنهن بعد عدالت ايندڙ ٻڌڻي تي استغاثه جي شاهدن کي طلب ڪري ورتو ۽ ايندڙ ٻڌڻي پهرين جون تائين ملتوي ڪري ڇڏي، ايندڙ ٻڌڻي تي ڪيس مان اينٽي ٽيررازم ايڪٽ جي شقن کي خارج ڪرڻ بابت دليل ڏنا ويندا.
