محمد احمد جي بدسلوڪي جي وڊيو سامهون اچڻ کانپوءِ لاڳاپيل اداڪار معافي گهري ورتي

سينيئر اداڪار ۽ ليکڪ سيد محمد احمد پاران هڪ پوڊ ڪاسٽ جي شوٽنگ دوران جونيئر اداڪار جي نامناسب رويي بابت ڪيل انڪشاف گذريل ڪجهه ڏينهن کان شوبز انڊسٽري ۾ ڇڪتاڻ پيدا ڪري ڇڏي هئي. هاڻ ان تڪرار ۾ هڪ اهم اڳڀرائي ٿي آهي، جتي رپورٽ موجب سڄي واقعي جي وڊيو سامهون اچي وئي آهي ۽ ڌمڪي ڏيندڙ اداڪار جو نالو به سامهون اچي ويو آهي. ڪجهه ڏينهن اڳ سيد محمد احمد هڪ انٽرويو ۾ ٻڌايو هو ته هڪ نسبتاً نوجوان اداڪار ٻن مختلف ڊرامن جي شوٽنگ دوران سندس گنجي، قد ۽ رنگت کي نشانو بڻائي ڪيترائي ڀيرا طنزيه تبصرا ڪيا. هن چيو ته جيتوڻيڪ هو اهڙي رويي تي ردعمل ڏئي سگهي ٿو، پر پروڊيوسر، ڊائريڪٽر ۽ پوري ٽيم جي احترام ۾ هن خاموش رهڻ کي ترجيح ڏني ته جيئن شوٽنگ جو ماحول متاثر نه ٿئي. هي خبر به پڙهو: سينيئر اداڪار محمد احمد سان بدتميزي جو ڪيس، محمد احمد جي انڪشاف کانپوءِ فيصل قريشي سميت شوبز شخصيتن سخت رد عمل ظاهر ڪيو، شوبز شخصيتن کليل نموني سندس حمايت ڪري ڇڏي. اداڪار شمعون عباسي سميت ڪيترن ئي فنڪارن جوابدار کان معافي جو مطالبو ڪيو، جڏهن ته ڪجهه ماڻهن اشارو ڏنو ته جيڪڏهن معافي نه گهري وئي ته سندس نالو سامهون آندو ويندو. بعد ۾ هڪ وڊيو ۾ دعويٰ ڪئي وئي ته محمد احمد سان بدتميزي ڪندڙ اداڪار فهد شيخ هو، جنهن 2020 کان 2022 تائين سينيئر اداڪار سان گڏ مختلف ڊرامن ۾ ڪم ڪيو، اها وڊيو وائرل ٿيڻ کانپوءِ سوشل ميڊيا تي هڪ نئون بحث ڇڙي ويو ۽ فهد شيخ کي سخت تنقيد جو منهن ڏسڻو پيو. مشهور اداڪارا ۽ ميزبان مشي خان به هڪ وڊيو ذريعي فهد شيخ تي تنقيد ڪئي. ۽ سندس مذاق جي انداز کي تمام گهٽ درجي جو مزاح قرار ڏنو. انسٽاگرام تي هي پوسٽ ڏسو وڌندڙ تنقيد تي فهد شيخ انسٽاگرام اسٽوري ذريعي پنهنجو موقف پيش ڪيو آهي. هن چيو ته وائرل وڊيو اصل ۾ شوٽنگ دوران هڪ مذاق جو حصو هئي، ڇاڪاڻ ته سيٽ تي اداڪار اڪثر ڪري خانداني ماحول ۾ ڪم ڪندا آهن. بهرحال، هن اهو به واضح ڪيو ته جيڪڏهن سندس ڪنهن عمل سان سيد محمد احمد کي ڏک پهتو ته هو ان لاءِ معافي جو طلبگار آهي. فهد شيخ چيو ته هن سيد محمد احمد کان ذاتي طور تي معافي گهري آهي ۽ جيڪڏهن سينيئر اداڪار مناسب سمجهي ته ٻيهر عوامي سطح تي معافي وٺڻ لاءِ تيار آهيان. هن چيو ته سندس دل ڏکائڻ جو ڪڏهن به ارادو ناهي. ٻئي طرف سيد محمد احمد طرفان فهد شيخ جي معافي تي اڃا تائين ڪو نئون عوامي ردعمل سامهون نه آيو آهي، پر شوبز حلقن ۾ اميد آهي ته هي تڪرار گڏيل احترام ۽ مفاهمت سان ختم ٿي ويندو.



Source link