هيري پوٽر سيريز جي مداحن لاءِ وڏي خبر آهي.
تفصيل موجب ايڇ بي او پهرين سيزن جي رليز ٿيڻ کان اڳ ئي شو جي ٻئي سيزن جي تصديق ڪري ڇڏي آهي.
مشهور ناول نگار جي ڪي رولنگ جي دنيا جي مشهور ڪهاڻي کي نئين ٽي وي سيريز ۾ تبديل ڪيو پيو وڃي، جنهن جو مداح بي صبري سان انتظار ڪري رهيا آهن.
رپورٽن مطابق پهرين سيزن جو ٽريلر مارچ ۾ جاري ڪيو ويو هو، جنهن کانپوءِ ايڇ بي او شو جي مقبوليت کي ڏسندي ٻئي سيزن جي جلد منظوري ڏئي ڇڏي هئي.
ٻڌايو ويو آهي ته ٻيو سيزن ’هيري پوٽر اينڊ دي چيمبر آف سيڪريٽس‘ تي ٻڌل هوندو.
شوارنر فرانسسڪا گارڊنر انڪشاف ڪيو ته ٻئي سيزن تي پيداوار هن سال شروع ٿيڻ جو امڪان آهي.
هن چيو ته ڪرسمس تي مڪمل ٿيندڙ پهرين سيزن جي شوٽنگ ۽ ساڳئي سال شروع ٿيندڙ ٻئي سيزن جي پروڊڪشن سان گڏ ڪم جي رفتار کي برقرار رکڻ لاءِ پروڊڪشن ٽيم کي مضبوط ڪيو پيو وڃي.
سيريز ۾ مرڪزي ڪردارن ۾ ڊومينڪ ميڪ لافلن، اليسٽر اسٽائوٽ ۽ اربيلا اسٽينٽن شامل آهن.
پهرين سيزن هن سال ڪرسمس تي نشر ٿيندي، پوٽر سيريز لاءِ نئين دور جي شروعات ڪندي.
