ڀارتي اداڪار پريش راول سشانت سنگهه راجپوت جي موت کانپوءِ ميڊيا جي ڪوريج تي تنقيد ڪندي چيو آهي ته سڄي معاملي کي ”سرڪس“ ٿيندي ڏسي کيس بيزار ٿي پيو.
مشهور ڀارتي سينيئر اداڪار پريش راول وڪي لالواڻي جي پوڊ ڪاسٽ تي ڳالهائيندي چيو ته ڪورونا لاڪ ڊائون دوران اڪثر نيوز چينلز کان پري رهندو هو، جنهن جو هڪ سبب سندس بلڊ پريشر به هو.
ڳالهه ٻولهه دوران جڏهن ميزبان سشانت سنگهه راجپوت جي موت کانپوءِ ميڊيا ڪوريج جو ذڪر ڪيو ته اداڪاره ٽوڪ ڪندي چيو ته مون کي ان سرڪس کان سخت نفرت هئي جيڪا ميڊيا سشانت سنگهه جي موت تي لڳائي هئي.
ساڳئي انٽرويو ۾ پريش راول سياست ڇڏڻ جو سبب ٻڌايو ۽ چيو ته 2014ع جي لوڪ سڀا جي چونڊن ۾ احمد آباد ايسٽ مان ڀارتيه جنتا پارٽي (بي جي پي) جي پارليامينٽ جو ميمبر چونڊجڻ کانپوءِ مون محسوس ڪيو ته سياست منهنجي لاءِ ناهي ڇو ته مان ڪوڙ نٿو ڳالهائي سگهان ۽ جنهن ڳالهه جو مون کي سڀ کان وڌيڪ خوف هو ته سياست ۾ اچڻ کان پوءِ مون کي اهڙا واعدا ڪرڻا پوندا جيڪي ڪڏهن به پورا نه ڪري سگهندس.
اداڪاره چيو ته ڏهاڪن جي اداڪاري کانپوءِ هاڻي محسوس ٿي رهيو آهي ته هن پنهنجي فن ۾ اڳي کان وڌيڪ مهارت حاصل ڪري ورتي آهي، ان ڪري هن سياست بدران اداڪاري کي پنهنجي اصل سڃاڻپ بڻائڻ جو فيصلو ڪيو آهي.
