ڪاوا چيمپيئن شپ: ڀارتي ٽيم پاڪستان کان حفاظتي ضمانت طلب ڪري ورتي

ڀارتي والي بال ٽيم ايندڙ مهيني اسلام آباد ۾ کيڏي ويندڙ سينٽرل ايشين والي بال چيمپيئن شپ ۾ شرڪت جي خواهش ظاهر ڪندي پاڪستان کان حفاظتي ضمانت طلب ڪري ورتي. پاڪستان والي بال فيڊريشن جي چيئرمين چوڌري محمد يعقوب موجب ڀارتي والي بال فيڊريشن پاڪستان والي بال فيڊريشن سان باضابطه رابطو ڪري حڪومت کان سيڪيورٽي ڪليئرنس جي درخواست ڪئي آهي ته جيئن ڀارتي ٽيم کي پاڪستان اچڻ ۽ ويزا حاصل ڪرڻ لاءِ ڀارتي حڪومت کان منظوري ملي سگهي. چوڌري محمد يعقوب چيو ته ڀارتي ٽيم پاڪستان اچڻ ۾ گهري دلچسپي جو اظهار ڪيو آهي ۽ ان حوالي سان لاڳاپيل حڪومتي ادارن سان به رابطو ڪيو ويو آهي. جيڪڏهن ڀارتي ٽيم چيمپيئن شپ ۾ شرڪت ڪري ٿي ته ان سان ٽورنامينٽ جي اهميت ۽ مداحن جي دلچسپي ۾ ڪافي اضافو ٿيندو. ڪاوا انٽرنيشنل والي بال چيمپيئن شپ 22 کان 29 جولاءِ تائين اسلام آباد ۾ ٿيندي، جنهن ۾ ڏهن ملڪن جون ٽيمون حصو وٺنديون. جنهن ۾ افغانستان، بنگلاديش، نيپال، ترڪمانستان، ڪرغزستان، قزاقستان، مالديپ، سريلنڪا، ڀارت ۽ ميزبان پاڪستان شامل آهن.



Source link