اورنگي ٽائون ۾ دڪاندار پنهنجي زال کي لوهي راڊ سان وار ڪري قتل ڪري ڇڏيو، جوابدار مڙس گهر کي تالا هڻي پوليس اسٽيشن تي پهچي کيس گرفتار ڪري ورتو. پوليس شروعاتي جاچ ۾ واقعي کي گهريلو تڪرار قرار ڏنو آهي. تفصيل موجب اورنگي ٽائون سيڪٽر 11، غازي آباد اسٽريٽ نمبر 4، پاڪستان بازار ٿاڻي جي حد ۾ ابوبڪر صديق مسجد ڀرسان گهر ۾ مڙس پنهنجي زال کي لوهي راڊ سان وار ڪري قتل ڪري ڇڏيو. پوليس جوابدار کي حراست ۾ وٺي سندس سڃاڻپ تي سندس گهر پهتي ۽ سندس گهرواري جو لاش تحويل ۾ وٺي قانوني ڪارروائي لاءِ عباسي شهيد اسپتال منتقل ڪيو. فوت ٿيل عورت جي سڃاڻپ 58 ورهين جي عاصمه بيگم زال اصغر علي جي نالي سان ٿي آهي. پاڪستان بازار پوليس موجب جوابدار 64 ورهين جي اصغر علي گهريلو تڪرار تان گهرواري کي لوهي راڊ سان وار ڪري قتل ڪري ڇڏيو، پوليس ٿاڻي تي اچي گرفتاري لاءِ پيش ٿيو. پاڪستان بازار پوليس جو چوڻ آهي ته مقتول عورت 4 ٻارن جي ماءُ هئي، ٻئي طرف گرفتار جوابدار پوليس کي ٻڌايو ته هو جوتا ٺاهڻ جو ڪم ڪندو هو ۽ گرفتار جوابدار پنهنجي زال کي قتل ڪرڻ جو به اعتراف ڪيو آهي، پوليس واقعي جي وڌيڪ جاچ ڪري رهي آهي.
Source link
Leave a Comment Leave a Comment
