ڪراچي:
ڪراچي ۾ جاري غير اعلانيل لوڊشيڊنگ جا اثر هاڻي شهري ٽرانسپورٽ سسٽم تي به محسوس ٿيڻ لڳا آهن، جتي بجلي جي فراهمي نه ٿيڻ سبب اليڪٽرڪ بس سروس جزوي طور متاثر ٿي آهي.
هڪ خانگي ٽي وي جي رپورٽ موجب صورتحال سبب ڪجهه رستن تي معمول جي ڪارروائي برقرار رکڻ ۾ ڏکيائيون پيش اچي رهيون آهن.
پيپلز بس سروس جي انتظاميا موجب مهراڻ ڊيپو کي 3 ڏينهن کان بجلي جي فراهمي معطل آهي، جنهن سبب اليڪٽرڪ بسن جي چارجنگ جو عمل متاثر ٿي رهيو آهي.
ان مسئلي جي ڪري، انتظاميه عارضي طور تي مختلف رستن تي هائبرڊ بسون هلائڻ شروع ڪري ڇڏيون آهن اي وي بسن جي متبادل طور تي ته جيئن مسافرن کي گهٽ ۾ گهٽ تڪليف کي منهن ڏيڻو پوي.
انتظاميا موجب اي وي 1 روٽ ملير ڪينٽ کان سي ويو تائين سروس فراهم ڪري ٿو جڏهن ته اي وي 3 روٽ ملير ڪينٽ کان نمائش تائين سروس فراهم ڪري ٿو.
اهڙي طرح آر 1 پنڪ بس سروس کوکرا ڪراس کان ڊاڪيارڊ تائين هلندي آهي. اهي سڀئي رستا مهراڻ ڊپو کان هلن ٿا ۽ خاص ڪري اليڪٽرڪ بسن لاءِ مخصوص آهن.
بس سروس عملدارن چتاءُ ڏنو آهي ته جيڪڏهن مهراڻ ڊپو کي بجلي جي فراهمي جلد بحال نه ڪئي وئي ته انهن رستن تي سروس جاري رکڻ مشڪل ٿي ويندو ۽ انتظاميا کي آپريشن معطل ڪرڻ جو فيصلو ڪرڻو پوندو، جنهن سان هزارين مسافر متاثر ٿيندا.
