راولپنڊي:
آزاد ڪشمير جي مجموعي صورتحال کي نظر ۾ رکندي، آزاد ڄمون ۽ ڪشمير کي پنجاب سان ڳنڍيندڙ 4 هنڌن تي اضافي پوليس پڪيون قائم ڪيون ويون آهن ته جيئن سيڪيورٽي کي يقيني بڻائي سگهجي ۽ کاڌي پيتي ۽ ضروري شين جي بنا ڪنهن وقفي جي فراهمي يقيني بڻائي سگهجي.
ذريعن موجب ضلعي انتظاميا، راولپنڊي پوليس ۽ ٽريفڪ پوليس جا اهلڪار انهن پڪنٽس تي مقرر ڪيا ويا آهن ته جيئن سيڪيورٽي انتظامن کي موثر بڻائي سگهجي ۽ ٽريفڪ کي منظم رکيو وڃي.
اختيارين موجب آزاد ڄمون ۽ ڪشمير کي راولپنڊي ۽ مري ضلعن سان ڳنڍيندڙ اهم پوائنٽس تي اضافي پڪٽس قائم ڪيا ويا آهن، جن ۾ ڍنگلي، آزاد پتن ۽ ڪوٽلي ستين سميت 4 مختلف پوائنٽس شامل آهن.
انتظاميا 24 ڪلاڪ نگراني ۽ سيڪيورٽي برقرار رکڻ لاءِ مختلف شفٽن ۾ پڪنٽس تي ڊيوٽي لڳائي ڇڏي آهي.
هدايتن موجب راولپنڊي کان آزاد ڪشمير تائين کاڌي پيتي جو سامان ۽ ضروري سامان کڻي ويندڙ گاڏين کي سڪيورٽي چيڪنگ بعد آساني سان آزاد ڪشمير موڪليو ويندو ته جيئن ضروري سامان جي فراهمي متاثر نه ٿئي.
اختيارين اها به هدايت ڪئي آهي ته ٻين گاڏين جي سڪيورٽي چيڪنگ کي سخت رکيو وڃي ۽ هر قسم جي حرڪت جي موثر مانيٽرنگ کي يقيني بڻايو وڃي.
