صدر ٽرمپ آمريڪا سان ڳالهين دوران اسلام آباد مفاهمتي ياداشت جي حوالي سان ايراني پرڏيهي وزير جي بيان کي ٻيهر ٽوئيٽ ڪيو.
عالمي خبرون ڏيندڙ اداري موجب آمريڪي صدر ڊونلڊ ٽرمپ پنهنجي سوشل ميڊيا پليٽ فارم ٽرٿ سوشل تي ايراني پرڏيهي وزير عباس عراقچي جي هڪ پوسٽ کي ري ٽوئيٽ ڪيو، جنهن کي ڳالهين ۾ اهم اڳڀرائي قرار ڏنو پيو وڃي.
ايراني پرڏيهي وزير عباس عراقچي سوشل ميڊيا پوسٽ ۾ چيو ته آمريڪا ۽ اسرائيل سان جاري ڇڪتاڻ جي تناظر ۾ اسلام آباد مفاهمتي ياداشت جي مڪمل ٿيڻ جي ايتري ويجهو ڪڏهن به نه هئي جيتري هاڻي آهي.
هن، بهرحال، ميڊيا کي گذارش ڪئي ته ان جي مواد بابت قیاس آرائي کان پاسو ڪيو وڃي جيستائين اهو حتمي نه آهي. سمورا تفصيل مناسب وقت تي عوام سان شيئر ڪيا ويندا.
ايراني پرڏيهي وزير عباس عراقچي اشارو ڏنو ته اسلام آباد ياداشت تي ڪم جاري رهندو ۽ وڌيڪ چيو ته ايران جو ذميوار سفارتڪار ۽ شفاف رويو آهي.
ڊونلڊ ٽرمپ ايراني پرڏيهي وزير جي ان بيان کي پنهنجي سوشل ميڊيا اڪائونٽ تان ري ٽوئٽ ڪيو ڄڻ ته ان جي تصديق ٿي رهي آهي، جيڪا هاڻي عالمي بحث جو حصو بڻجي وئي آهي.
ياد رهي ته ايراني پرڏيهي وزير جي بيان ۾ اسلام آباد مفاهمتي يادداشت جو ذڪر ان ڳالهين جي حصي سان آهي جڏهن آمريڪي ۽ ايراني وفدن جي ملاقات پاڪستان جي ثالثي ۾ اسلام آباد ۾ ٿي هئي.
جڏهن ته اسلام آباد ايم او يو جا تفصيل اڃا تائين واضح ناهن ۽ سمورين پارٽين طرفان محتاط بيان ڏنا پيا وڃن.
