برازيل جو اسٽار فٽبالر نيمار زخمي ٿيڻ سبب ورلڊ ڪپ ۾ پنهنجي ٽيم جي پهرين ميچ کيڏي نه سگهندو.
برازيل جي هيڊ ڪوچ ڪارلو اينسيلوٽي تصديق ڪئي آهي ته تجربيڪار فارورڊ مراکش خلاف ڇنڇر جي اوپنر لاءِ دستياب نه هوندو.
34 ورهين جو نيمار گذريل ڪجهه عرصي کان ڳچيءَ جي مسئلي ۾ مبتلا آهي ۽ اڃا مڪمل ٽريننگ شروع نه ڪئي آهي.
Ancelotti موجب، نيمار جي بحالي جاري آهي ۽ هو ايندڙ هفتي ٽيم سان باقاعده تربيت ۾ شامل ٿيڻ جي اميد آهي.
ان صورتحال سبب سندس 20 جون تي هيٽي خلاف ميچ ۾ شرڪت به غير يقيني آهي.
برازيل ڪوچ چيو ته نيمار جلد کان جلد فٽ ٿيڻ لاءِ سخت محنت ڪري رهيو آهي.
هن وڌيڪ چيو ته نيمار جي اهميت رڳو سندس ٽيڪنيڪل صلاحيتن تائين محدود ناهي پر نوجوان رانديگرن لاءِ سندس تجربو ۽ رول ماڊل به ٽيم لاءِ تمام گهڻو قيمتي آهي.
نيمار 2023 کان قومي ٽيم ۾ شامل ناهي ڪيو پر ورلڊ ڪپ اسڪواڊ ۾ شامل ڪيو ويو.
برازيل جو رڪارڊ گول اسڪورر نيمار 128 انٽرنيشنل ميچن ۾ 79 گول ڪري چڪو آهي ۽ اهو سندس چوٿون ورلڊ ڪپ ٿي سگهي ٿو.
