اڄ ۽ سڀاڻي شهر قائد ۾ تيز هوائن جو امڪان آهي ۽ صبح جي وقت برسات ۽ بوندا باندی جو امڪان آهي.
موسميات کاتي جي ارلي وارننگ سينٽر جي اڳڪٿي موجب اڱاري ۽ اربع تي شهر ۾ جزوي ڪڪر ۽ گرم ۽ خشڪ هوائن سان گڏ برسات جو امڪان آهي.
موسميات کاتي جو چوڻ آهي ته هن وقت صبح جي وقت شهر ۾ برسات ۽ بوندا باندی ٿي سگهي ٿي، جڏهن ته ايندڙ ڪجهه ڏينهن دوران وڌ ۾ وڌ گرمي پد 34 کان 36 ڊگري سينٽي گريڊ تائين رهڻ جو امڪان آهي.
موسميات کاتي موجب خميس تي شهر جو وڌ ۾ وڌ گرمي پد 34.5 ڊگري سينٽي گريڊ جڏهن ته هوا ۾ نمي جو تناسب 58 سيڪڙو رهيو. موسميات کاتي طرفان جاري ڪيل بيان ۾ چيو ويو آهي ته 16 جون کان 20 جون تائين ملڪ جي مٿانهين علائقن ۾ تيز هوائن، کنوڻ ۽ گجگوڙ سان برسات جو امڪان آهي.
ان سسٽم جي اثر هيٺ مٿانهين سنڌ جي ضلعن سکر، لاڙڪاڻو، جيڪب آباد، خيرپور، دادو، گهوٽڪي، ڪشمور، شڪارپور، شهيد بينظير آباد سميت ڪيترن ئي ضلعن ۾ مٽيءَ جي هوائن ۽ طوفاني موسم ٿي سگهي ٿي، جڏهن ته ڪراچي ۾ به مٿي ڄاڻايل عرصي دوران هلڪي برسات جو امڪان آهي.
