لاهور:
ڪرنسي، شناختي ڪارڊ، درجا ۽ سرڪاري دستاويز جعلسازي ڪندڙ پيءُ پٽ سميت هڪ گروهه کي گرفتار ڪيو ويو.
ترجمان ڊي آءِ جي آپريشنز موجب ڳجهي اطلاع تي ڪارروائي ڪري منظم جعلسازي نيٽ ورڪ جي 4 ڪارڪنن کي گرفتار ڪيو ويو آهي. جوابدار جعلي ڪرنسي، شناختي ڪارڊ، تعليمي ڊگريون ۽ سرڪاري دستاويز ٺاهڻ ۾ ملوث هئا.
لاهور ۾ پوليس جعلسازي جو منظم نيٽ ورڪ هلائيندي پيءُ پٽ سميت 4 رڪني گينگ هٿ ڪري ورتو، پوليس جعلسازي جي قائم فيڪٽري کي تحويل ۾ وٺي وڏي مقدار ۾ سامان هٿ ڪري ورتو. جوابدار پاڪستاني ۽ پرڏيهي ڪرنسي تيار ڪري مختلف ضلعن ۽ ٻاهرين ملڪن ۾ سپلاءِ ڪندا هئا. جوابدارن جي قبضي مان جعلي ملڪي ۽ غير ملڪي ڪرنسي، پرنٽنگ مشينون، ڪمپيوٽر ۽ ڪيميڪل هٿ ڪيو ويو آهي.
گينگ جي سربراهه رياض انڪشاف ڪيو آهي ته هن ٻاهرين ملڪ مان رنگ ملائڻ جي جديد تربيت حاصل ڪئي. گرفتار جوابدارن ۾ رياض، ساجن رياض، عمران ۽ آصف شامل آهن. جوابدارن خلاف شاھدرا ٽائون ٿاڻي تي ڪيس داخل ڪري وڌيڪ جاچ شروع ڪئي وئي آھي.
