جڊيشل مئجسٽريٽ ڏکڻ لي مارڪيٽ ۾ 6 ورهين جي ٻارڙي کي زيادتي بعد قتل ڪرڻ واري ڪيس ۾ جوابدار کي 5 ڏينهن جي جسماني رمانڊ تي پوليس حوالي ڪري ڇڏيو.
جڊيشل مئجسٽريٽ ڏکڻ جي عدالت ۾ لي مارڪيٽ ۾ 6 ورهين جي ٻارڙي کي زيادتي بعد قتل ڪرڻ واري ڪيس جي ٻڌڻي ٿي.
پوليس گرفتار جوابدار حمزا کي عدالت ۾ پيش ڪيو. جاچ آفيسر ٻڌايو ته جوابدار حمزه ٻارڙي جو پاڙيسري آهي. ٻارڙو سومر جي شام غائب ٿي ويو.
جوابدار ٻارڙي جو لاش ٿلهي ۾ وجهي اڇلائي ڇڏيو. عدالت جوابدار کي 5 ڏينهن جي جسماني رمانڊ تي پوليس حوالي ڪري ڇڏيو. عدالت ايندڙ ٻڌڻي تي پيش رفت رپورٽ طلب ڪري ورتي. پوليس موجب نيپيئر ٿاڻي ۾ جوابدار خلاف ڪيس داخل ڪيو ويو آهي.
