اداڪارا ۽ ماڊل زينب رضا کي ڊرامي ۾ بيحد جرئتمند لباس پائڻ تي مداحن طرفان سخت تنقيد کي منهن ڏيڻو پئجي رهيو آهي.
تفصيل موجب زينب رضا جي ڊرامي ”رحمت“ ۾ جتي سندس اداڪاري کي ساراهيو پيو وڃي، تازو ئي قسط ۾ سندس لباس سوشل ميڊيا تي بحث جو موضوع بڻجي ويو آهي.
ڊرامي جي هڪ منظر ۾ زينب رضا بلاؤز سان گڏ جامني رنگ جي ساڙي پائيندي آهي، جيڪا ڪيترن ئي ڏسندڙن کي غير معمولي طور تي بولڊ لڳي ٿي.
جيتوڻيڪ ايڊيٽنگ ذريعي منظر کي محدود ڪرڻ جي ڪوشش ڪئي وئي پر لباس جي انداز سوشل ميڊيا استعمال ڪندڙن جو ڌيان ڇڪايو.
واقعي کانپوءِ مختلف صارفين پنهنجا ردعمل ظاهر ڪيا ۽ ڊرامن ۾ لباس جي چونڊ تي سوال اٿاريا.
ڪجهه ماڻهن جو چوڻ هو ته قومي ٽي وي پروگرامن ۾ لباس جي چونڊ ۾ وڌيڪ احتياط ڪرڻ گهرجي جڏهن ته ٻين ڊائريڪٽر ۽ پروڊڪشن ٽيم جي فيصلي تي تنقيد ڪئي.
