اسلام آباد:
سڪيورٽيز اينڊ ايڪسچينج ڪميشن آف پاڪستان ملڪ ۾ فنانشل سروسز ڊسپيٽ ريزوليوشن سينٽر قائم ڪرڻ لاءِ مشاورت شروع ڪري ڇڏي آهي.
ايس اي سي پي پاڪستان جو پهريون فنانشل سروسز ڊسپيٽ ريزوليوشن سينٽر قائم ڪرڻ جو فيصلو ڪيو آهي ۽ ان حوالي سان اهم اڳڀرائي ڪندي اهم اسٽيڪ هولڊرز سان مشاورت شروع ڪري ڇڏي آهي. ان سلسلي ۾ آمريڪا ۽ سنگاپور جي ماهرن مالي تڪرار جي حل جي عالمي ماڊلز تي بريفنگ ڏني آهي.
تجويز ڪيل مالي تڪرار حل سينٽر هڪ آزاد غير منافع بخش ادارو هوندو جيڪو ايس اي سي پي جي نگراني هيٺ ڪم ڪندو.
مرڪز مالي تڪرارن جو تڪڙو، سستي ۽ آسان حل فراهم ڪندو، جڏهن ته تجويز ڪيل مرڪز مالي تڪرارن جي ثالثي لاءِ ون ونڊو جي سهولت پڻ فراهم ڪندو.
ان حوالي سان ڪمشنر ايس اي سي پي مظفر احمد مرزا چيو ته مالياتي نظام جو استحڪام ڪاروباري تڪرارن جي موثر حل سان ڳنڍيل آهي. هن وڌيڪ چيو ته مالياتي مارڪيٽن تي عوام جي اعتماد لاءِ تڪرارن جو موثر ۽ تيز حل ضروري آهي. هن چيو ته لازمي ثالثي سان مقدمن جي خرچن ۾ گهٽتائي ايندي.
هن وڌيڪ چيو ته هي قدم بحالي جي عمل کي تيز ڪندو ۽ سيڙپڪارن جو اعتماد وڌائيندو.
هن نئين سينٽر کي مالياتي شعبي جي استحڪام ۽ پاڪستان ۾ سيڙپڪاري جي فروغ لاءِ هڪ اهم سنگ ميل قرار ڏنو پيو وڃي، جيڪو ڊگهي قانوني ڪارروائي جو متبادل ثابت ٿيندو.
