پاڪستاني اداڪارا ڪبرا خان جي هڪ وڊيو سوشل ميڊيا تي وائرل ٿي رهي آهي جنهن ۾ هوءَ ڀارتي فلم انڊسٽري جي اهم شخصيتن سارا علي خان ۽ شرميلا ٽئگور سان گڏ آرامده ماحول ۾ نظر اچي رهي آهي. وائرل وڊيو ۾ ڪبري خان شرميلا ٽئگور ۽ سارا علي خان سان گڏ ٽيبل تي موجود آهي. منظر ۾ ڏسي سگهجي ٿو ته شرميلا ٽئگور ٽيبل جي ٻئي پاسي ويٺي آهي ۽ هوءَ چمچ جي مدد سان پيالي مان ڪا شيءِ ڪڍي ڪبرا خان ڏانهن پيار واري انداز ۾ پيش ڪري ٿي. پاڪستاني اداڪارا شڪريو ادا ڪندي مسڪرائي ٿي ۽ خوشيءَ سان آڇ قبول ڪري ٿي. انسٽاگرام تي هي پوسٽ ڏسو وڊيو دوران سارا علي خان به ان خوبصورت لمحي مان لطف اندوز ٿيندي نظر آئي ۽ دوستانه ماحول کي ساراهيو. ٽنهي شخصيتن جي وچ ۾ شاندار ڪيمسٽري مداحن جو ڌيان ڇڪايو آهي. رپورٽن مطابق ملاقات ڪبرا خان جي سالگرهه جي موقعي تي ٿي. وڊيو منظر عام تي اچڻ کانپوءِ سوشل ميڊيا صارفين ان کي بيحد پسند ڪري رهيا آهن ۽ ٻنهي ملڪن جي فنڪارن کي گڏ ڏسڻ تي هاڪاري ردعمل جو اظهار ڪري رهيا آهن. ٻئي طرف ڪبرا خان اڄڪلهه پنهنجي نئين پروجيڪٽ ۾ مصروف آهي. هوءَ هن وقت ARY ڊجيٽل جي ڊرامي سيريل ”ڊاڪٽر بهو“ ۾ مرڪزي ڪردار ادا ڪري رهي آهي، جڏهن ته ڊرامي جي هدايتڪاري مشهور هدايتڪار مهرين جبار ڪري رهي آهي. مداحن جو چوڻ آهي ته ڀارتي ۽ پاڪستاني فنڪارن جون اهڙيون خوشگوار ملاقاتون فن ۽ ثقافت ذريعي مثبت لاڳاپن کي فروغ ڏين ٿيون.
Source link
Leave a Comment Leave a Comment
