اقتصادي سڌارن ۽ موثر معاشي پاليسين سان پاڪستان جي معاشي ڪارڪردگي مسلسل بهتر ٿي رهي آهي.
ناڻي واري وفاقي وزير سينيٽر محمد اورنگزيب سان ايس اينڊ پي گلوبل ريٽنگز جي وفد ملاقات ڪئي جنهن ۾ معاشي صورتحال، ڪريڊٽ پروفائل ۽ سڌارن جي ايجنڊا تي خيالن جي ڏي وٺ ڪئي وئي.
S&P گلوبل ريٽنگز پاڪستان جي معاشي سڌارن، مالياتي نظم و ضبط، قرضن جي استحڪام ۽ معاشي استحڪام لاءِ حڪومت جي عزم جي واکاڻ ڪئي.
ناڻي واري وزير وفد کي ٻڌايو ته مالي سال 27-2026ع جي بجيٽ تحت پاڪستان جي معاشي بنيادن ۾ نمايان بهتري آئي آهي.
ناڻي واري وزير گهٽ مهانگائي، پرڏيهي مٽاسٽا جي ذخيرن ۾ اضافو، مضبوط پرڏيهي شعبي ۽ سيڙپڪارن جي اعتماد ۾ واڌ کي معاشي استحڪام جا اهم سبب قرار ڏنو.
ناڻي واري وزير چيو ته گهٽ مالي خساري، رڪارڊ پرائمري سرپلس ۽ قرضن جي بهتر انتظامن سبب مالياتي استحڪام کي وڌيڪ مضبوط ڪيو ويو آهي.
وفد کي ٽيڪسيشن، توانائي، سرڪاري ادارن، نجڪاري، گورننس ۽ مالياتي انتظامن ۾ جاري سڌارن بابت بريفنگ ڏني وئي. مسلسل معاشي سڌارا ۽ مالياتي نظم و ضبط پاڪستان جي معيشت ۽ عالمي اعتماد کي مضبوط ڪري رهيا آهن.
