ايران جي پارليامينٽ جي قومي سلامتي ۽ پرڏيهي پاليسي ڪميٽي جي ترجمان ابراهيم رضائي چيو آهي ته اسان آبنائے هرمز جو ڪنٽرول طاقت ذريعي حاصل ڪري ورتو آهي ۽ طاقت جي ذريعي ان جي حفاظت ڪنداسين.
ميڊيا رپورٽن موجب هن وڌيڪ چيو ته آبنائي هرمز ۾ صورتحال اڳ جهڙي نه رهندي ۽ ٻين ملڪن کي ان آبي گذرگاهه بابت ايران جي ضابطن ۽ هدايتن جو احترام ڪرڻو پوندو.
اهو بيان اهڙي وقت سامهون آيو آهي جڏهن آبنائے هرمز ۾ ڇڪتاڻ وڌي وئي آهي. ايران هن اهم آبي گذرگاهه تي پنهنجو اثر رسوخ وڌائي رهيو آهي، جڏهن ته آمريڪا ۽ ان جا اتحادي ان ڳالهه تي زور ڏئي رهيا آهن ته آبنائي هرمز هڪ بين الاقوامي آبي رستو آهي ۽ ان تي ڪنهن به ملڪ جو مڪمل ڪنٽرول ناهي.
ياد رهي ته آبنائے هرمز دنيا جي اهم توانائي رستن مان هڪ آهي، جنهن ذريعي عالمي سطح تي خام تيل ۽ قدرتي گئس جو وڏو مقدار گذرندو آهي. ان لاءِ، ان سان لاڳاپيل ڪنهن به تڪرار جو فوري طور تي عالمي توانائي مارڪيٽن ۽ سامونڊي واپار تي اثر پئجي سگهي ٿو.
