گلشن اقبال ۾ وفاقي اردو يونيورسٽي گلشن اقبال ڪيمپس جي ڪئمپس آفيسر تي فائرنگ جي واقعي جي سي سي ٽي وي فوٽيج منظر عام تي اچي وئي آهي، جنهن ۾ جوابدار عدنان اختر کي فائرنگ ڪندي ۽ فائرنگ ڪرڻ بعد فرار ٿيندي ڏسي سگهجي ٿو. تفصيل موجب عزيز ڀٽي ٿاڻي جي حد گلشن اقبال بلاڪ 10 ۾ نامعلوم هٿياربندن فائرنگ ڪري وفاقي اردو يونيورسٽي گلشن اقبال ڪيمپس جي ڪئمپس آفيسر عدنان اختر کي سخت زخمي ڪري ڇڏيو ۽ فرار ٿي ويا. واقعي ۾ زخمي ٿيل ڪيمپس آفيسر کي اسپتال منتقل ڪيو ويو، جتي سندس علاج ڪيو پيو وڃي. پوليس واقعي جي سي سي ٽي وي فوٽيج حاصل ڪري ورتي آهي. سي سي ٽي وي فوٽيج ۾ موٽرسائيڪل تي سوار 2 اڻڄاتل هٿياربندن کي عدنان اختر تي فائرنگ ڪندي واپس فرار ٿيندي ڏسي سگهجي ٿو. پوليس اختيارين جو چوڻ آهي ته ڪيمپس آفيسر تي فائرنگ جي واقعي جا وڌيڪ سي سي ٽي وي فوٽيج حاصل ڪيا پيا وڃن، سي سي ٽي وي فوٽيج جي مدد سان جوابدارن جي ڳولا جاري آهي. پوليس اختيارين جو چوڻ آهي ته ڪيمپس آفيسر تي فائرنگ جي واقعي جو اڃا تائين ڪيس داخل نه ٿي سگهيو آهي، پوليس واقعي جي مختلف رخن کان جاچ ڪري رهي آهي.
Source link
Leave a Comment Leave a Comment
