ايران-آمريڪا جنگ جي خاتمي لاءِ پاڪستان جو مفاهمتي ڪردار معاشي بهتري لاءِ اهم ثابت ٿي رهيو آهي.
ايران آمريڪا جنگ بندي ۽ امن معاهدي ۾ پاڪستان جي قيادت ۽ فعال ڪردار کي سڄي دنيا ۾ ساراهيو پيو وڃي. امن معاهدي جي نتيجي ۾ پاڪستان جي مثبت سفارتي ڪردار کي مستحڪم ڪرڻ ۽ اهم معاشي فائدن جي به اميد آهي.
عالمي خابرو اداري رائٽرز موجب ايران-آمريڪا امن معاهدي ۾ اڳڀرائي سان پاڪستان جو عالمي اميج بهتر ٿيو آهي ۽ معاشي فائدا حاصل ڪرڻ جو موقعو مليو آهي. هڪ ملڪ جيڪو اندروني ۽ بيروني استحڪام فراهم ڪري ٿو اهو سيڙپڪاري لاءِ وڌيڪ معتبر ۽ پرڪشش منزل بڻجي ٿو.
رائٽرز موجب، اقتصادي ايجنڊا تي ٻڌل ترقي ۽ وقار ۽ امن ۽ استحڪام پاڪستان کي سيڙپڪاري لاء بهترين جڳهه بڻائي ٿو. پاڪستان وچ اوڀر جو وڏو حصو بڻجي سگهي ٿو ۽ وسيع اقتصادي ۽ دفاعي پارٽنرشپ قائم ڪري سگهي ٿو. ايران تي پابنديون هٽائڻ سان پاڪستان ۽ ايران وچ ۾ بلوچستان ذريعي واپار جا وڏا موقعا پيدا ٿي سگهن ٿا.
پرڏيهي خابرو اداري جي رپورٽ موجب برطانوي وزير هيملش فيلڪنر پاڪستان جي ڪردار کي ساراهيندي وسيع تر ٻه طرفي واپاري امڪانن ۽ دوري جو اعلان ڪيو آهي.
بين الاقوامي جرنل ماڊرن ڊپلوميسي چيو آهي ته پاڪستان جي عالمي شهرت کي بهتر بڻائڻ سان پرڏيهي سيڙپڪاري، واپاري موقعن ۽ مالي تعاون کي راغب ڪرڻ ۾ مدد ملندي. پاڪستان ايٽمي طاقت هجڻ ڪري خطي ۾ استحڪام جو ضامن آهي ۽ سيڙپڪاري لاءِ پرڪشش جڳهه پڻ آهي.
