فيفا ورلڊ ڪپ: ‘مان واپس آيو آهيان’ رونالڊو ٻن گولن سان تنقيد ڪندڙن تي واپس اچي ويو

پرتگال جي دنيا جي مشهور فٽبالر ڪرسٽيانو رونالڊو ازبڪستان خلاف شاندار ڪارڪردگي ڏيکاريندي تنقيد ڪندڙن کي جواب ڏئي ڇڏيو.

پرتگال گروپ جي اهم ميچ ۾ ازبڪستان کي 0-5 تان شڪست ڏني، 41 ورهين جي رونالڊو ٻه ڀيرا گول ڪيو.

ميچ کان پوءِ رونالڊو جذباتي انداز ۾ ڪيمرا ڏانهن ”آءٌ واپس آهيان“ جو نعرو هنيو، جيڪو انهن لاءِ واضح پيغام آهي، جيڪي ورلڊ ڪپ جي شروعات ۾ سندس قابليت تي سوال اٿاريا هئا.

افتتاحي ميچ ۾ پرتگال جي مايوس ڪندڙ ڊي آر ڪانگو خلاف 1-1 جي برابري کانپوءِ رونالڊو تي سخت تنقيد ڪئي وئي.

رونالڊو ميچ جي ڇهين منٽ ۾ گول ڪري پنهنجي ٽيم کي برتري ڏياري. هن بعد ۾ برونو فرنينڊس جي شاندار پاس تي ٻيو گول ڪري پنهنجي ڪارڪردگي کي وڌيڪ يادگار بڻائي ڇڏيو.

ان سان گڏ هو فٽبال ورلڊ ڪپ جي ڇهن مختلف ايڊيشنز ۾ گول ڪرڻ وارو دنيا جو پهريون رانديگر پڻ بڻجي ويو.

ميچ کانپوءِ رونالڊو جو چوڻ هو ته ذاتي رڪارڊ خوشيون ڏيندا آهن پر سندس پهرين ترجيح هميشه ٽيم جي ڪاميابي هوندي آهي.

هن اعتراف ڪيو ته گذريل هفتو مشڪلاتن سان ڀرپور رهيو پر ٽيم محنت ۽ اعتماد سان واپسي ڪئي ۽ هاڻي هو اڃا بهتر کيڏڻ لاءِ تيار آهن.