پنجاب پوليس مالي سال 27-2026 لاءِ بجيٽ تجويزون تيار ڪري ورتيون آهن.
تفصيل موجب پنجاب پوليس ناڻي کاتي کان 10 ارب 29 ڪروڙ 61 لک رپيا مختص ڪرڻ جي تجويز ڏني آهي. پنجاب پوليس جي ترقياتي منصوبن جي ڪل لاڳت 30 ارب 1756 ملين رپيا آهي.
ذريعن موجب سيف سٽي لاهور پروجيڪٽ جي ري ويمپنگ لاءِ هڪ ارب 20 ڪروڙ رپيا مختص ڪرڻ جي تجويز ڏني وئي آهي. سمارٽ سيف سٽيز اٽڪ، جهلم، مري ۽ راولپنڊي لاءِ 99.18 ڪروڙ رپيا مختص ڪرڻ جي تجويز ڏني وئي آهي.
ان کان علاوه اسپيشل پروٽيڪشن يونٽس هيڊ ڪوارٽر رائيونڊ جي تعمير لاءِ 12.83 ملين رپيا ۽ رائٽس مينيجمينٽ فورس هيڊ ڪوارٽرز لاءِ 12.50 ملين رپيا مختص ڪرڻ جي تجويز ڏني وئي آهي.
تعميراتي بجيٽ مان هيڊ ڪوارٽرز ۾ عورتن لاءِ ايڊمن بلاڪ ۽ بيرڪون تعمير ڪيون وينديون، ان لاءِ هڪ ڪروڙ رپيا مختص ڪرڻ جي به تجويز ڏني وئي.
پوليس اسٽيشن موترا سيالڪوٽ جي تعمير لاءِ 12.42 ڪروڙ رپيا، ڊي پي او آفيس ۽ مري ۾ رهائش لاءِ 10.90 ڪروڙ رپيا ۽ مري ۾ اسپيشل برانچ جي رهائش ۽ آفيسن جي تعمير لاءِ 6.86 ڪروڙ رپيا مختص ڪرڻ جي به تجويز ڏني وئي.
ان کان علاوه چنيوٽ ۾ ڊي پي او آفيس جي تعمير لاءِ 10 ڪروڙ 91 لک رپيا مختص ڪرڻ جي تجويز ڏني وئي آهي.
