پاڪستان ڪرڪيٽ بورڊ قومي ڪرڪيٽرن جي ميچ فيس وڌائڻ جو فيصلو ڪيو آهي.
چيئرمين پي سي بي محسن نقوي ميڊيا سان ڳالهائيندي چيو ته اهو ٽنهي فارميٽس، ٽيسٽ، ون ڊي ۽ ٽي 20 ۾ لاڳو ٿيندو، سينٽرل ڪانٽريڪٽ لاءِ ڊوميسٽڪ ڪرڪيٽ کيڏڻ لازمي هوندو، مقرر معيار تي پورو نه لهندڙ رانديگر کي سائن نه ڪيو ويندو.
هن چيو ته ڪانٽريڪٽ لاءِ 5 ڪيٽيگريز متعارف ڪرايا پيا وڃن، ٽي 20، ون ڊي ۽ ٽيسٽ ڪرڪيٽ لاءِ الڳ حڪمت عملي جوڙي وئي آهي، رانديگرن جي سليڪشن جو نظام جيترو ٿي سگهي ڪمپيوٽرائيزڊ ڪيو پيو وڃي.
محسن نقوي چيو ته 85 سيڪڙو فيصلا ڊيٽا، فٽنيس ۽ ڪارڪردگي جي بنياد تي ٿيندا، ٽيسٽ ڪپتاني بابت فيصلو لاڳاپيل ٽيم ۽ سليڪشن اختيارين ڪندا، شاداب خان جي ڪپتاني بابت ڪا ڄاڻ ناهي، سرفراز احمد پاڪستاني ڪرڪيٽ جو اثاثو آهي.
