ليجنڊ آمريڪي ريسلر هولڪ هوگن جي موت بابت جاري جاچ مڪمل ٿي وئي آهي، جنهن کانپوءِ اختيارين سندس موت جو اصل سبب واضح ڪري ڇڏيو آهي.
پوليس موجب هولڪ هوگن جنهن جو اصل نالو ٽيري جيني بوليا هو، جولاءِ 2025 ۾ 71 سالن جي عمر ۾ فوت ٿي ويو.
فلوريڊا جي شهر ڪليئر واٽر جي پوليس ڊپارٽمينٽ پنهنجي رپورٽ ۾ چيو آهي ته اها هڪ ميڊيڪل ايمرجنسي هئي ۽ ان ۾ ڪنهن به ڏوهه يا سازش جو ڪو ثبوت ناهي مليو.
جاچ مڪمل ٿيڻ بعد ڪيس کي سرڪاري طور بند ڪيو ويو آهي ۽ اختيارين سندس موت کي قدرتي سبب قرار ڏنو آهي.
رپورٽ موجب هولڪ هوگن جي موت جو ڪارڻ قدرتي بيماري آهي، جڏهن ته تشدد، زهر يا ٻاهرئين مداخلت جو ڪو به ثبوت سامهون ناهي آيو.
پوليس جو چوڻ آهي ته جولاءِ 2025 ۾ هن جي گهر ۾ اوچتو طبي ايمرجنسي آئي هئي، ايمرجنسي ٽيمن کي فوري طور تي موقعي تي پهتو ۽ سي پي آر جو انتظام ڪيو.
جنهن بعد کيس اسپتال منتقل ڪيو ويو پر ڊاڪٽرن جي تمام گهڻي ڪوشش باوجود هو 11 لڳي 17 منٽن تي فوت ٿي ويو. اهو پڻ ٻڌايو ويو آهي ته هن جي ٽين زال گهر ۾ هئي جڏهن ايمرجنسي خدمتون پهتيون.
